ഇന്ത്യ ലേണേഴ്സ് എൻറോൾമെന്റ് സർവേ

പങ്കെടുക്കുന്ന വ്യക്തിയെ സംബന്ധിക്കുന്ന വിവരങ്ങള്‍

സഹായക ഉല്‍പ്പന്ന പരിശീലനത്തിലേക്ക് (TAP) സ്വാഗതം. മൊബിലിറ്റി ഇന്ത്യയുടെയും ലോകാരോഗ്യ സംഘടനയുടെയും നാഷണൽ ഇൻസ്റ്റിറ്റ്യൂട്ട് ഓഫ് ഫിസിക്കൽ മെഡിസിൻ ആൻഡ് റീഹാബിലിറ്റേഷന്‍റെയും (എൻഐപിഎംആർ) നേതൃത്വത്തിലുള്ള TAP ഇന്ത്യ പദ്ധതിയുടെ ആദ്യ ഘട്ടമാണിത്. ഇന്ത്യയില്‍ ആരോഗ്യ, സാമൂഹിക ക്ഷേമ സേവനങ്ങൾ ആവശ്യമായ ആളുകൾക്ക് നടത്ത സഹായികൾ, വായനാ കണ്ണടകള്‍, ശുചിമുറിക്കസേരകള്‍ എന്നിവ പോലുള്ള സഹായക ഉൽപ്പന്നങ്ങൾ കൂടുതൽ ലഭ്യമാക്കാന്‍ സഹായിക്കുന്നതിന് ഉദ്ദേശിച്ചുള്ളതാണ് ഈ പദ്ധതി.

നിങ്ങൾ പരിശീലനം ആരംഭിക്കുന്നതിന് മുമ്പ് ചുവടെയുള്ള വിവരങ്ങൾ വായിക്കുകയും ഭാഗം എ (കരാർ), ഭാഗം ബി (എൻറോൾമെന്റ് സർവേ) എന്നിവ പൂർത്തിയാക്കുകയും ചെയ്യുക

TAP-നെ കുറിച്ചുള്ള വിവരങ്ങൾ: ഇനിപ്പറയുന്ന വ്യക്തികള്‍ക്കോ, ഉദ്യോഗസ്ഥര്‍ ആയേക്കാവുന്നവര്‍ക്കോ വേണ്ടിയുള്ള ഒരു ഓൺലൈൻ പഠന പരിപാടിയാണ് TAP

• സഹായക ഉൽപ്പന്നങ്ങൾ ആവശ്യമുള്ള ആളുകളെ തിരിച്ചറിയുക, ശരിയായ സേവനത്തിലേക്കോ ഒപ്പം / അല്ലെങ്കില്‍ വ്യക്തിയിലേക്കോ അവരെ റഫർ ചെയ്യുക.
• ലളിതമായ സഹായക ഉൽപ്പന്നങ്ങൾ നൽകുക.

ഒരു കമ്പ്യൂട്ടർ, ടാബ് ലെറ്റ് അല്ലെങ്കിൽ സ്മാർട്ട് ഫോൺ എന്നിവ ഉപയോഗിച്ച് നിങ്ങൾ തിരഞ്ഞെടുക്കുന്ന TAP മൊഡ്യൂളുകൾ നിങ്ങള്‍ക്ക് ലഭ്യമാക്കാം. TAP പഠന വേളയിൽ, നിങ്ങള്‍ക്ക് ഉപദേഷ്ടാക്കളില്‍ നിന്ന് നേരിട്ടുള്ള പിന്തുണയും ലഭിക്കും.

നിങ്ങൾക്ക് ഇപ്പോൾ, അല്ലെങ്കിൽ ഈ പരിശീലനത്തിലൂടെ കടന്നുപോകുന്ന ഏത് സമയത്തും ഒരു ചോദ്യം ഉണ്ടെങ്കിൽ, ഇനിപ്പറയുന്നവ ചെയ്യുക:

• നിങ്ങളുടെ ഉപദേഷ്ടാവുമായോ പ്രോജക്റ്റ് കോർഡിനേറ്ററുമായോ ചേര്‍ന്ന് ചർച്ച ചെയ്യുക
• സഹപ്രവർത്തകരുമായി ചർച്ച ചെയ്യുക
• നിങ്ങളുടെ ഉപദേഷ്ടാവ് സജ്ജീകരിച്ചിരിക്കുന്ന ആശയവിനിമയ ഗ്രൂപ്പിൽ നിങ്ങളുടെ ചോദ്യം പോസ്റ്റുചെയ്യുക (നിങ്ങളുടെ ഉപദേഷ്ടാവുമായി ചേര്‍ന്ന് പരിശോധിക്കുക)

നിങ്ങളുടെ ഫീഡ്ബാക്ക് പ്രധാനമാണ്: പരിശീലനത്തിന്റെ അവസാനത്തിൽ, ഒരു ഹ്രസ്വ (20 മിനിറ്റ്) ഓൺലൈൻ ഫീഡ്ബാക്ക് സർവേ പൂർത്തിയാക്കാൻ നിങ്ങളോട് ആവശ്യപ്പെടും. ഒരു ഗ്രൂപ്പ് ചർച്ചയിലൂടെ (90 മിനിറ്റ് വരെ) ഫീഡ്ബാക്ക് നൽകാനും നിങ്ങളോട് ആവശ്യപ്പെട്ടേക്കാം. ഈ ഫീഡ് ബാക്ക് പ്രവർത്തനങ്ങളിലെ നിങ്ങളുടെ പങ്കാളിത്തം സ്വമേധയാ ഉള്ളതാണ്, അവ ജോലി സമയങ്ങളിൽ, നിങ്ങൾക്കും നിങ്ങളുടെ സർവീസ് മാനേജർ / സൂപ്പർവൈസർക്കും സൗകര്യപ്രദമായ സമയത്ത് നിർവഹിക്കപ്പെടും.   

TAP വിവര ശേഖരണം: ഈ എൻറോൾമെന്റ് സർവേയിലൂടെയും (20 മിനിറ്റ് വരെ) ഫീഡ്ബാക്ക് സർവേയിലൂടെയും (20 മിനിറ്റ് വരെ) TAP പഠിതാക്കളെ (നിങ്ങൾ ഉൾപ്പെടെ) ക്കുറിച്ചുള്ള വിവരങ്ങൾ TAP ശേഖരിക്കുന്നു. ക്വിസ്സില്‍ ലഭിച്ച സ്കോറുകളും ശേഖരിക്കുന്നു, നിങ്ങൾ എത്ര മൊഡ്യൂളുകൾ പൂർത്തിയാക്കുന്നു, ഏതെല്ലാം മൊഡ്യൂളുകൾ പൂർത്തിയാക്കുന്നു തുടങ്ങിയ വിവരങ്ങളും ശേഖരിക്കുന്നു. അവരുടെ അനുഭവങ്ങൾ പങ്കിടുന്നതിനും പ്രതികരണങ്ങള്‍ അറിയിക്കുന്നതിനുമായി പഠിതാക്കൾ ചർച്ചാ ഗ്രൂപ്പുകളിൽ പങ്കെടുക്കുമ്പോൾ, ചർച്ചകളുടെ ഒരു ഓഡിയോ റെക്കോർഡിംഗ് തയ്യാറാക്കുകയും അവ രേഖപ്പെടുത്തി വയ്ക്കുകയും ചെയ്യുന്നു. പിന്നീട് ഓഡിയോ റെക്കോർഡ് ഇല്ലാതാക്കുകയും ചെയ്യപ്പെടും.

ഈ വിവരങ്ങൾ ഉപയോഗിക്കുന്നതിന് മുമ്പ് അത് ഡീ-ഐഡന്റിഫിക്കേഷൻ ചെയ്യപ്പെടും. പേരുകളും വ്യക്തിഗത വിശദാംശങ്ങളും നീക്കം ചെയ്യപ്പെടുന്നു എന്നാണ് ഇതിനർത്ഥം. ഇതുവഴി, വിവരങ്ങൾ നോക്കുന്ന ആർക്കും അത് ആരുടെ വിവരമാണെന്ന് അറിയാൻ കഴിയില്ല.

ഈ TAP പരിശീലനത്തെക്കുറിച്ചുള്ള റിപ്പോർട്ടുകൾ തയ്യാറാക്കാൻ സഹായിക്കുന്നതിനും, ഗവേഷണത്തിനും ഇനിപ്പറയുന്നവ മനസിലാക്കാന്‍ സഹായിക്കുന്നതിനുമായി ഡീ-ഐഡന്റിഫിക്കേഷൻ (തിരിച്ചറിയപ്പെടാത്ത) വിവരങ്ങൾ ഉപയോഗിക്കുന്നു:

• പഠിതാക്കൾക്കായി TAP എത്ര നന്നായി പ്രവർത്തിക്കുന്നുണ്ട്, ഇത് എങ്ങനെ മെച്ചപ്പെടുത്താം
• ജോലിസ്ഥലത്തോ, ഭാവിയിലെ ജോലിസ്ഥലത്തോ സഹായ ഉൽപ്പന്നങ്ങൾ നൽകുന്നതിനെ സംബന്ധിച്ചുള്ള പഠിതാക്കളുടെ ആശയങ്ങള്‍
• സഹായക സാങ്കേതികവിദ്യയുടെ ലഭ്യത മെച്ചപ്പെടുത്തുന്നതിനായി മറ്റെന്തൊക്കെ നടപടികൾ കൈക്കൊള്ളാം.

ഡീ-ഐഡെന്റിഫിക്കേഷന്‍ ചെയ്ത (തിരിച്ചറിയപ്പെടാത്ത) വിവരങ്ങൾ ലോകാരോഗ്യ സംഘടന സുരക്ഷിതമായി സൂക്ഷിക്കുന്നു. ഇത് മറ്റ് TAP പ്രോജക്റ്റുകളിൽ നിന്നുള്ള വിവരങ്ങളുമായി സംയോജിപ്പിച്ചേക്കാം, കൂടാതെ ഇത് പ്രോജക്റ്റ് പങ്കാളികൾ, ദാതാക്കൾ, ഗവേഷകർ, കൂടുതല്‍ താൽപ്പര്യമുള്ള സമൂഹം എന്നിവരുമായി പ്രസിദ്ധീകരണങ്ങളിലൂടെയും റിപ്പോർട്ടുകളിലൂടെയും പങ്കിടാം.

TAP വിവര ശേഖരണത്തെക്കുറിച്ച് നിങ്ങൾക്ക് എന്തെങ്കിലും ചോദ്യങ്ങൾ ഉണ്ടെങ്കിൽ, നിങ്ങൾക്ക് പ്രോജക്റ്റ് കോർഡിനേറ്ററോട് ചോദിക്കാം, അല്ലെങ്കിൽ ഇമെയിൽ ചെയ്യാവുന്നതാണ്: [email protected]