መስማትን ማስተዋወቅ

መስማት ምንድነው?

መስማት በአካባቢው ውስጥ ድምፆችን የማወቅ እና የመረዳት ችሎታ ነው።

ሁለቱ ጆሮዎቻችን እንድንረዳ(እንድንገነዘብ) ይረዱናል፡-

• አንድ ድምጽ ከፈትኛ ጩኸት ያለበት ወይም ለስላሳ ከሆነ
• የድምፅ ምንጭ አቅጣጫ።

ጆሯችን በአንድ ላይ በመስራት የአንድን ሰው ንግግር በተለያዩ አካባቢዎች እንድንለይ ይረዳናል።

መስማት ለምን ያስፈልገናል?

መስማት፡

• ለዕለት ተዕለት ፍላጎታችን ከቤተሰባችን እና ከጓደኞቻችን ጋር እንድንግባባ (እንድንነጋገር) ይረዳናል።
• ለልጆች የንግግር እድገት አስፈላጊ ነው
• በዙሪያችን ስላለው አደጋ (ባቡር ወይም ተሽከርካሪ መቅረብ ወይም የማንቂያ ደውል እንድንሰማ በማገዝ) ያስጠነቅቀናል።

እንዴት እንሰማለን?

ጆሯችን እንድንሰማ ይረዳናል። ጆሮዎች የድምፅ ንዝረትን ይሰበስባሉ እና ወደ አንጎል የሚላኩ የኤሌክትሪክ መልእክቶች ይለውጧቸዋል። እነዚህ መልእክቶች ወደ አንጎል ሲደርሱ ድምፆችን እንሰማለን እና እነሱን ለይተን ማወቅ እንችላለን። ጥሩ የመስማት ችሎታ እንዲኖር ሁሉም የጆሮ ክፍሎች በትክክል እየሰሩ መሆን አለባቸው።

  ሶስት የጆሮ ክፍሎች እንዴት እንደምንሰማ ይወስናሉ።

1. የውጭ ጆሮ ከአየር ላይ ድምጾችን በመስብሰብ ወደ ጆሮው ቱቦ ይመራቸዋል
2. መካከለኛው ጆሮ ድምጾቹን ከፍ ያደርገዋል
3. የውስጥ ጆሮ ድምጾቹን ወደ ኤሌክትሪክ መልእክቶች ይለውጣል። 

አእምሮ ድምጾቹን ተቀብሎ ያቀናብራል።

ውጫዊ ጆሮ

ውጫዊው ጆሮ የፒና እና የጆሮ ቱቦ ያካትታል።

በፒና ፊት ለፊት ትራገስ አለ። ትራገስ ወደ ጆሮ ቱቦ መግቢያ ላይ ይገኛል።

የጆሮው ቱቦ ሰም ያመነጫል። ሰም ጆሮን ለመጠበቅ እና ከቆሻሻ ለማጽዳት ይረዳል። በመደበኛነት ከጆሮው ቱቦ በራሱ ይወጣል።

መካከለኛ ጆሮ

የመካከለኛ ጆሮ ታምቡር (ቲምፓኒክ ሽፋን) እና በመካከለኛ የጆሮ ቦታ ትናንሽ የመስማያ አጥንቶችን ያካትታል። 

ታምቡር(eardrum) የጆሮውን ቱቦ እና መካከለኛውን ጆሮ ይለያል።

ድምጾች በመስሚያ አጥንቶች ውስጥ በሚያልፉበት ጊዜ በመካከለኛው ጆሮ ውስጥ ጮኽ ይላሉ።

የውስጥ ጆሮ

የውስጥ ጆሮ በሁለት ክፍሎች የተሠራ ነው።

• ኮክልያ(cochlea) እንድንሰማ የማያደርግ ነው። ድምጾች ወደ ኤሌክትሪክ መልእክቶች በመለወጥ ከመስሚያ ነርቭ ወደ አንጎል ይጓዛሉ።
• የቬስትቡላር ሲስተም ለአንጎል መረጃን ይሰጣል ይህም ሚዛንን እንድንጠብቅ እንድንሆን ይረዳናል። በዚህ አካባቢ ያሉ ችግሮች የማዞር ስሜት እንዲሰማን ወይም የተረጋጋ እንዳንሆን ሊያደርጉን ይችላሉ።

የመስማት ችግር እና መስማት መሳን ምንድነው?

የመስማት ችግር ማለት አንድ ሰው ከመደበኛ የመስማት ችሎታ ካለው ሰው አንጻር በደንብ መስማት በማይችልበት ጊዜ የሚከሰት ሁኔታ ነው። በጸጥታ እና ጫጫታ አካባቢዎች ውስጥ ንግግሮች መስማት አስቸጋሪ ሊሆን ይችላል።

የመስማት ችግር ከመለሰተኛ እስከ ጥልቅ ሊሆን ይችላል።

• በአንድ ወይም በሁለቱም ጆሮዎች ላይ ቀላል ፣ መካከለኛ ወይም ከባድ የመስማት ችግር ያለባቸው ሰዎች ንግግሮችን በትክክል ለመከታተል ይቸገራሉ። ይህ 'ለመስማት መቸገር' ተብሎ ይጠራል።
• በሁለቱም ጆሮዎች ላይ ከከባድ እስከ ጥልቅ የመስማት ችግር ያለባቸው ሰዎች መስማት የተሳናቸው ናቸው።

የመስማት ችሎታ እንዴት ነው የሚለካው?

ኦዲዮሜትር የመስማት ችሎታን ለመለካት የሚያገለግል የመስማት ችሎታ መመርመሪያ መሳሪያ ነው። ማሽን ወይም ታብሌት ላይ ያለ መተግበሪያ ወይም ስማርትፎን ሊሆን ይችላል።