سماعت کیا ہے؟
سماعت ماحول میں آوازوں کو پہچاننے اور سمجھنے کی صلاحیت ہے۔
دونوں کان مل کر آواز سننے کا عمل مؤثر بناتے ہیں:
- اگر آواز اونچی یا نرم ہو۔
- جس طرف سے آواز آ رہی ہے
ہمارے کان مل کر مختلف ماحول میں کسی کی بات کو پہچاننے میں مدد دیتے ہیں۔
ہمیں سننے کی ضرورت کیوں ہے؟
سماعت:
- ہماری روزمرہ کی ضروریات کے لیے اپنے خاندان اور دوستوں کے ساتھ بات چیت کرنے میں ہماری مدد کرتا ہے۔
- بچوں کی بولنے کی صلاحیت کے فروغ کے لیے ضروری ہے
- ہمارے آس پاس خطرے سے خبردار کرتا ہے (جیسے قریب آتی ہوئی ٹرین، گاڑی یا الارم)
سوال
ان میں سے کون سی صورتحال ہمیں ممکنہ خطرے سے خبردار کرنے کے لیے سماعت کا استعمال کرتی ہے؟
تمام درست جوابات منتخب کریں۔
اگر آپ نے a, b, c اور d کو منتخب کیا ہے تو آپ درست ہیں!
یہ تمام ممکنہ خطرے کے انتباہات ہیں جو سماعت کا استعمال کرتے ہیں۔
e غلط ہے۔
یہ ہمیں خطرے سے خبردار کرنے کے لیے بصارت کا استعمال کرتا ہے۔
ہم کیسے سنتے ہیں؟
ہمارے کان ہمیں سننے میں مدد دیتے ہیں۔ کان آواز کی لہروں کو جمع کرتے ہیں اور انہیں برقی سگنلز (electrical signals) میں تبدیل کرتے ہیں جو دماغ تک بھیجے جاتے ہیں۔ جب یہ سگنلز دماغ تک پہنچتے ہیں تو ہم آوازوں کو سنتے اور پہچان سکتے ہیں۔ اچھی سماعت کے لیے کان کے تمام حصوں کا صحیح طریقے سے کام کرنا ضروری ہے۔
سماعت کے عمل میں کان کے تین حصے شامل ہوتے ہیں۔
- بیرونی کان (outer ear) ہوا میں موجود آوازوں کو جمع کرتا ہے اور انہیں کان کی نالی (ear canal) میں بھیجتا ہے۔
- درمیانہ کان (middle ear) آوازوں کو مضبوط اور زیادہ بلند کرتا ہے تاکہ وہ آسانی سے اندرونی کان تک پہنچ سکیں۔
- اندرونی کان (inner ear) آوازوں کو برقی سگنلز (electrical signals) میں تبدیل کرتا ہے۔
دماغ آوازوں کو وصول کرتا ہے اور ان کا تجزیہ کرتا ہے۔
ہدایت
کان کے مختلف حصوں کے بارے میں جاننے کے لیے پڑھیں۔
بیرونی کان
بیرونی کان (outer ear) میں پنّا (pinna) اور کان کی نالی (ear canal) شامل ہوتے ہیں۔
پنّا (pinna) کے سامنے کی جانب ٹریگس (tragus) ہوتا ہے۔ ٹریگس کان کی نالی (ear canal) کے داخلی راستے پر واقع ہوتا ہے۔
کان کی نالی (ear canal) موم (wax) پیدا کرتی ہے۔ موم کان کی حفاظت کرنے اور اسے گرد و غبار سے صاف رکھنے میں مدد دیتا ہے۔ یہ عام طور پر خود بخود کان کی نالی سے باہر نکل آتا ہے۔
عملی مشق
اپنے کان پر ٹریگس (tragus) کو تلاش کریں اور نرمی سے دبائیں تاکہ کان کی نالی (ear canal) بند ہو جائے۔ کیا اس سے درد محسوس ہوتا ہے؟
ٹریگس کو آہستہ سے دبانے سے صحت مند کان کو تکلیف نہیں ہونی چاہئے۔
انتباہ
درد یا تکلیف کان کے مسئلے کی علامت ہو سکتی ہے۔
درمیانہ کان (Middle Ear)
درمیانہ کان (middle ear) میں کان کا پردہ، جسے ٹمپانک میمبرین (tympanic membrane) بھی کہا جاتا ہے، اور ایک خالی جگہ شامل ہوتی ہے جس میں تین چھوٹی ہڈیاں ہوتی ہیں جو سننے میں مدد دیتی ہیں۔
کان کا پردہ (eardrum) کان کی نالی (ear canal) اور درمیانہ کان (middle ear) کو ایک دوسرے سے جدا کرتا ہے۔
جب آوازیں سماعت کی ہڈیوں سے گزرتی ہیں تو درمیانے کان (middle ear) میں وہ زیادہ بلند ہو جاتی ہیں۔
سیکھنے کے بعد خود احتسابی کریں کہ کیا بہتر کیا جا سکتا ہے۔
درمیانہ کان (middle ear) ایک نالی کے ذریعے ناک کے پچھلے حصے سے جڑا ہوتا ہے۔ اگر آپ کو نزلہ ہو تو آپ کو کان بند ہونے کا احساس اور درد محسوس ہو سکتا ہے۔
- کیا آپ نے کبھی نزلہ ہونے پر ایک یا دونوں کان بند ہونے کا احساس کیا ہے؟
- کیا آپ کو اپنے کان میں درد محسوس ہوا؟
اندرونی کان (Inner Ear)
اندرونی کان دو حصوں سے بنا ہے:
- سماعت کی ذمہ داری کوکلیا (cochlea) پر ہوتی ہے۔ آوازوں کو برقی سگنلز (electrical signals) میں تبدیل کیا جاتا ہے، جو سماعت کی نس (hearing nerve) کے ذریعے دماغ تک پہنچتے ہیں۔
- ویسٹیبیولر سسٹم (vestibular system) دماغ کو اہم معلومات فراہم کرتا ہے، جو ہمارے جسم کا توازن برقرار رکھنے میں مدد دیتی ہیں۔ اگر اس نظام میں کوئی مسئلہ ہو جائے تو ہمیں چکر آ سکتے ہیں یا عدم توازن محسوس ہو سکتا ہے۔
سماعت میں کمی اور بہرہ پن کیا ہے؟
سماعت میں کمی ایک ایسی حالت ہے جس میں کوئی شخص معمول کی سماعت رکھنے والے فرد کی نسبت ٹھیک سے سن نہیں پاتا۔ ایسے افراد کے لیے بات چیت کرنا مشکل ہو سکتا ہے، چاہے ماحول خاموش ہو یا شور سے بھرا ہوا۔
سماعت میں کمی ہلکی سے لے کر گہری (شدید) حد تک ہو سکتی ہے۔
- جن لوگوں کو ایک یا دونوں کانوں میں ہلکی، درمیانی یا شدید سماعت میں کمی ہو، اُن کے لیے بات چیت کو سمجھنا مشکل ہو سکتا ہے۔ اس حالت کو 'کم سُنائی دینا' (hard of hearing) کہا جاتا ہے۔
- جن لوگوں کو دونوں کانوں میں شدید سے لے کر مکمل سماعت میں کمی ہو، انہیں 'بہرہ' (Deaf) کہا جاتا ہے۔
ہدایت
ووہ افراد جو مکمل طور پر بہرے (Deaf) ہیں، اس ماڈیول میں شامل نہیں ہیں۔ ان کی ضروریات زیادہ پیچیدہ ہوتی ہیں۔ انہیں کسی ماہر کان و سماعت (ear and hearing professional) کے پاس ریفر کریں۔
ہلکی، درمیانی، شدید اور گہری سماعت میں کمی (mild, moderate, severe, and profound hearing loss) کے بارے میں مزید جاننے کے لیے TAP کے پری پروگرامڈ (pre-programmed) سماعت کے آلات (hearing aids) کے ماڈیول کا مطالعہ کریں۔
مشورہ
جس شخص کو سماعت میں کمی ہو، وہ اپنے رابطے (communication) کو بہتر بنانے کے لیے دیگر بحالی خدمات (rehabilitation services) سے رجوع کرنے سے فائدہ اٹھا سکتا ہے۔ یہ خدمات رابطے میں مدد کے مختلف طریقے فراہم کرتی ہیں۔
عملی مشق
دو، دو کے گروپ بنا کر یہ سرگرمی مکمل کریں
- ایک شخص دونوں طرف اپنے کان اس طرح بند کرتا ہے کہ یا تو وہ ٹریگس (tragus) کو دباتا ہے یا ایئر پلگس (earplugs) استعمال کرتا ہے۔
- دوسرا شخص اپنی عام آواز کا استعمال کرتا ہے اور بات چیت کرنے کی کوشش کرتا ہے۔
یہ ایسا محسوس ہوتا ہے جیسے ہلکی سے درمیانے درجے کی سماعت کی کمی ہو۔
سماعت کو کیسے جانچا یا ناپا جاتا ہے؟
آڈیو میٹر (audiometer) ایک ایسا آلہ ہے جو سماعت کی جانچ کے لیے استعمال ہوتا ہے۔ یہ ایک مشین بھی ہو سکتا ہے یا ٹیبلٹ یا اسمارٹ فون پر ایک ایپ کے طور پر بھی دستیاب ہو سکتا ہے۔
آڈیومیٹر مشین (Audiometer Machine)
Audiometer app on tablet
اسمارٹ فون پر آڈیو میٹر ایپ(Audiometer app)
ہدایت
سماعت کی جانچ کے بارے میں مزید جاننے کے لیے TAP کے پری پروگرامڈ (preprogrammed) سماعت کے آلات (hearing aids) کے ماڈیول کا مطالعہ کریں۔