Eşitmə cihazının düzgün işlədiyini yoxlayın
Eşitmə cihazını proqramlaşdırmadan əvvəl, eşitmə cihazını yoxlayın:
- Hər hansı zədə olub-olmadığını
- Düzgün işləyib-işləmədiyini
Təlimat
Eşitmə cihazının işlədiyini yoxlamaq üçün addımlar əvvəlcədən proqramlaşdırılmış və proqramlaşdırıla bilən eşitmə cihazlarında eynidir.
Qulaqlarınıza zərər verməmək üçün eşitmə cihazının səsini azaldaraq başlamağı və tədricən rahat bir səviyyəyə qədər artırmağı unutmayın.
Sual
Eşitmə aparatının funksionallığının yoxlanılması mərhələlərini 1-dən 4-ə qədər nömrələməklə ardıcıllıqla düzün.
Düzgün sıralama:
- Eşitmə cihazının batareyasını taxın və eşitmə cihazını yandırın
- Stetoklipi eşitmə cihazının qulaq qarmağına bərkidin və borunun qulaqlıq hissəsini öz qulaq keçidinizə yerləşdirin.
- Eşitmə aparatı ağzınızdan 30 santimetr məsafədə olmaqla, altı Linq səsini normal danışıq tonunda icra edin
- Ling səslərini tələffüz edərkən kiçik düzəlişlər edərək səs düyməsinin işlədiyini yoxlayın
Proqramlaşdırıla bilən eşitmə cihazlarının proqramlaşdırılması
Proqramlaşdırıla bilən eşitmə cihazı, eşitmə cihazı proqramı və ya tətbiqi ilə yüklənmiş telefon, planşet və ya kompüterə qoşulmaqla proqramlaşdırıla bilər.
Eşitmə cihazı proqramı fərdin eşitmə testinin nəticələrinə uyğun gəlməsi üçün ayrı-ayrı səslərin ucalığını tənzimləyəcəkdir.
Tövsiyə
Eşitmə cihazı kompüterə qoşulmayıbsa, onun açıq olduğundan əmin olun!
Başlamazdan əvvəl:
- Eşitmə cihazı tətbiqinin artıq cihazınızda yükləndiyindən əmin olun
- Eşitmə cihazının qoşulduğundan əmin olun. Bağlantı səs və ya ekranda göstərilən bildirişlə işarələnə bilər.
Proqramlaşdırmağa başlamaq üçün:
- Tətbiqdə bir qeyd yaradın.
- Audioqram seçin.
- Eşitmə testinin (audioqram) nəticəsini daxil edin.
- "Cihazı aşkar et" funksiyasını seçin (eşitmə cihazının seriya nömrəsinin ekranda əks olunub-olunmadığını yoxlayın).
- Uyğunlaşdırma simvolunu tapın. "İlk dəfə istifadə edən" seçimini edin.
- İstifadə edəcəyiniz standart qulaq qəlibinin növünü seçin.
- Preskriptiv formulanı seçin. Formulanın təyin edilməsi ilkin olaraq standart rejimdə təyin edilir və bu rejimdə saxlanılması tövsiyə olunur. "İlkin kökləmə" (first fit) funksiyasını aktivləşdirin.
- Proqramlaşdırma başa çatdıqdan sonra tətbiqi yadda saxlayın və bağlayın. Yalnız bu addım başa çatdıqdan sonra eşitmə cihazını ayırın.
Tövsiyə
Bəzi proqram təminatları eşitmə itkisinə əsasən hansı qulaq qəlibi növünün ən yaxşı olduğunu təklif edəcəkdir. Yerli şəraitdə təminatı mümkün olan qulaq qəlibi növünü seçin.
Preskriptiv formulanın seçilməsi təqdim olunan məlumatlar əsasında fərd üçün ən uyğun olan eşitmə aparatı parametrlərini avtomatik olaraq hesablayacaqdır.
Təlimat
Bu məşğələni mentorunuzun dəstəyi ilə tamamlayın.
Məşğələ
- Xidmətinizdə mövcud olan proqramlaşdırıla bilən eşitmə cihazını seçin
- Aşağıda Bəşirin nəticələrindən istifadə edin:
| 500 Hz | 1000 Hz | 2000 Hz | 4000 Hz | Orta hesab | Eşitmə itkisi | |
| Sağ | 50 | 45 | 60 | 60 | 53.75 | Ağır-mülayim |
| Sol | 60 | 50 | 50 | 65 | 56.25 | Ağır-mülayim |
- Müəssisənizdə tətbiq olunan proqram təminatını aktivləşdirərək eşitmə cihazı ilə sinxronizasiya edin və ya proqramı demo (nümayiş) rejimində icra edin.
- Bəşir üçün eşitmə cihazlarını proqramlaşdırmaq üçün ekrandakı təlimatları izləyin.