TAP-a daxil olmayan digər uzaqdan idarəetmə mikrofon sistemləri də mövcuddur. Bunlara ictimai məkanda birdən çox insanın əlçatanlığı üçün hazırlanmış çoxməqsədli sistemlər daxildir.
Səs sahəsi sistemləri
Sinif otaqlarında səs sahəsi sistemindən istifadə oluna bilər. Bu sistem müəllimin səsini daha yüksək edir. Beləliklə, müəllimin səsi arxa fondakı səs-küydən ayrılaraq daha rahat eşidilir. Bu sistemlər sinifdəki bütün uşaqlar, xüsusilə də eşitmə qüsuru olan şagirdlər üçün faydalıdır.
Səs sahəsi sistemləri fərdi istifadədən daha çox qrup istifadəsi üçün nəzərdə tutulub. Eyni mühitdə birdən çox insanın dəstəyə ehtiyacı olduqda, onlar daha səmərəlidir.
İnduksiya sistemi
Eşitmə induksiya sistemi ictimai məkanlarda eşitmə aparatından istifadə edən şəxslərə dəstək olmaq üçün nəzərdə tutulmuşdur. Bu sistem səsi birbaşa istifadəçinin eşitmə aparatına ötürür. Beləliklə, arxa fon səs-küyü aradan qaldırılır və nitqin daha aydın, başa düşülməsi isə daha asan olur.
Mikrofon danışan şəxsin səsini qəbul edir. Səs xüsusi kabel dövrəsi vasitəsilə ötürülür. Bu kabel, bir qayda olaraq, xalçanın altına və ya tavana quraşdırılır.
Eşitmə aparatı istifadəçiləri xüsusi simvola baxmaqla məkanda eşitmə induksiya sisteminin olub-olmadığını təyin edə bilərlər. Onlar müəyyən edilmiş induksiya sisteminin əhatə dairəsində istənilən yerdə əyləşə bilərlər.
Sistemdən istifadə etmək üçün şəxs eşitmə aparatını "T" (həmçinin telekoil adlanır) rejiminə keçirir və beləliklə, siqnalı birbaşa öz eşitmə aparatında qəbul edir.
İnduksiya sistemləri binalara və ya otaqlara quraşdırılır. Onlar fərdi istifadə üçün nəzərdə tutulmayıb.
