Təlimat
TAP-da “fərdi uzaqdan idarəetmə mikrofon sistemləri” qısaldılmış şəkildə “uzaqdan idarəetmə mikrofon sistemləri” olacaq.
Bu mövzuda TAP-a daxil olan uzaqdan idarəetmə mikrofon sistemləri haqqında daha çox məlumat əldə edəcəksiniz.
Uzaqdan İdarəetmə Mikrofon Sistemləri
TAP-a daxil olan uzaqdan idarəetmə mikrofon sistemləri bir nəfər tərəfindən fərdi istifadə üçündür.
Təlimat
TAP proqramına qulaqarkası aparat taxan şəxslər üçün uzaqdan idarə olunan mikrofon sistemlərindən istifadə daxildir. Lakin bu sistemlərdən yararlana biləcək koxlear implantı olan pasiyentlərin vəziyyəti daha mürəkkəb yanaşma tələb edir, ona görə də onlar bilavasitə qulaq və eşitmə mütəxəssisinə müraciət etməlidirlər..
Uzaqdan idarəetmə mikrofon sisteminə mikrofon ötürücüsü və qəbuledicisi daxildir.
Şəxs nitq səslərini naqilsiz olaraq qəbulediciyə göndərən mikrofon ötürücüsünə danışır.
Qəbuledici şəxsin hər bir eşitmə aparatının daxilinə quraşdırıla, onlara bərkidilə və ya boyundan asıla bilər. O, səsləri birbaşa şəxsin esitmə aparatlarına ötürür.
Uzaqdan idarə olunan mikrofon sistemi şəxsin qulaq arxasındakı eşitmə cihazları ilə uyğun olmalıdır.
Səs sistemi
Bəzi sistemlər səsi radio tezlikləri vasitəsilə ötürən FM (Tezlik Modulyasiyası) texnologiyasından istifadə edir. Digərləri isə daha yüksək aydınlıq və etibarlılıq təmin etmək üçün səsi rəqəmsal siqnallarla ötürən daha yeni bir texnologiyadan – DM (Rəqəmsal Modulyasiya) sistemindən yararlanır.
Mikrofon ötürücü seçimləri
Ən uyğun mikrofon ötürücü növü ən çox istifadə ediləcəyi mühitdən asılıdır.
Seçimlərə aşağıdakılar daxildir:
- Yaxaya bərkidilən və ya boyun halqalı mikrofonlar – tədris və mühazirə mühitlərində faydalıdır
- Masaüstü mikrofonlar – görüş şəraitində faydalıdır
- Əl mikrofonları – birdən çox insanın danışacağı hallarda paylaşmaq üçün faydalıdır
Tövsiyə
Mikrofon ötürücülərindən birdən çox mühitdə istifadə edilə bilər. Məsələn, yaxaya bərkidilən mikrofon mühazirəçinin hərəkətdə olduğu çıxışlar zamanı geyimə bərkidilə bilər. Eyni zamanda, o, iclaslar zamanı masanın üzərinə yerləşdirilə və ya danışan şəxslər arasında əldən-ələ ötürülə bilər.
Qəbuledici seçimləri
Müxtəlif növ qəbuledicilər mövcuddur. Seçilən tip insanın istifadə etdiyi eşitmə cihazının növündən asılıdır.
Qəbuledici seçimlərinə aşağıdakılar daxildir:
- Eşitmə aparatının daxilinə quraşdırılmış qəbuledici
- Eşitmə cihazına birbaşa bərkidilən
- Eşitmə cihazına qoşulmaq üçün audiobaşlıq konnektoru tələb edən hissə
- Boyundan asılan ayrıca bir qəbuledici
Digər seçimlər
Uzaqdan idarəetmə mikrofon sistemləri aşağıdakıları da əhatə edə bilər:
- Avtomatik yönləndirilmiş mikrofonlar. Bunlar arxa fondakı səs-küyü azaldaraq, diqqəti avtomatik şəkildə danışanın səsinə yönəltmək üçün tənzimlənir.
- Tətbiq vasitəsilə məsafədən idarəetmə. Bu sistem eşitmə aparatlarına Bluetooth bağlantısı vasitəsilə qoşulur.
- Video səsləri kimi canlı/onlayn yayımlanan audiolar. Bu sistem sayəsində hər hansı bir faylı telefona və ya kompüterə yükləmədən, birbaşa internetdən dinləmək mümkündür.
Məşğələ
Xidmətinizdə mövcud olan uzaqdan idarəetmə mikrofon sisteminin hissələrini müəyyən edin.
Müəyyən edin:
- Mikrofon ötürücüsü
- Qəbuledici
Mikrofon ötürücüsünün aşağıdakı xüsusiyyətlərini müəyyən edin:
- Açma/söndürmə açarı
- Qoşma düyməsi
- Batareya portu
- Səs tənzimləyici
- Bağlantı işığı
- Mikrofon
- Batareya indikatoru
