საქართველოს მენტორთათვის გამოკითხვის ფორმა რეგისტრაციისას

მონაწილის საინფორმაციო ფურცელი

კეთილი იყოს თქვენი მონაწილეობა დამხმარე პროდუქტების ტრენინგზე (TAP). ეს ტრენინგი კენ ვოლკერის სამედიცინო რეაბილიტაციის საუნივერსიტეტო კლინიკისა და ჯანდაცვის მსოფლიო ორგანიზაციის ერთობლივი TAP Georgia პროექტის პირველი ეტაპია. პროექტი მიზნად ისახავს ისეთი დამხმარე პროდუქტების ხელმისაწვდომობის გაზრდას საქართველოში ჯანდაცვის ან სოციალური უზრუნველყოფის მომსახურებით მოსარგებლე ადამიანებისათვის, როგორიცაა სიარულისათვის დამხმარე საშუალებები და ტუალეტის სკამები.

გთხოვთ, ტრენინგის დაწყებამდე, წაიკითხეთ ქვემოთ მოცემული ინფორმაცია და შეავსეთ ნაწილი A (თანხმობა) და ნაწილი B (რეგისტრაციის კითხვარი).

ინფორმაცია TAP-ის შესახებ: TAP არის ონლაინ სასწავლო პროგრამა იმ პერსონალისთვის, ვინც უკვე არის ან გახდება:

• დაკავებული დამხმარე პროდუქტების საჭიროების მქონე ადამიანების იდენტიფიცირებითა და მათი შესაბამის მომსახურებაში ან პირთან გადამისამართებით დაკავებულნი
• მარტივი დამხმარე პროდუქტების მიმწოდებელი.

TAP-ზე წვდომა შესაძლებელია კომპიუტერის, პლანშეტის ან სმარტფონის გამოყენებით. TAP-ის მონაწილეებს აქვთ, ასევე მენტორების პირისპირ მხარდაჭერა. თქვენ გაივლით TAP მოდულებს, რათა მოემზადოთ მენტორობისათვის.

თუ გაგიჩნდათ შეკითხვა ახლა ან ტრენინგის გავლისას, ნებისმიერ დროს, შეგიძლიათ:

• განიხილოთ საკითხი პროექტის კოორდინატორთან
• დასვათ კითხვები მენტორთან ბრიფინგისას

თქვენი გამოხმაურება მნიშვნელოვანია: ტრენინგის ბოლოს, შესაძლოა, მოგეთხოვოთ 90 წუთამდე ხანგრძლივობის ჯგუფური დისკუსიის (ფოკუს ჯგუფის ) მეშვეობით გამოხმაურების მიცემა . ჯგუფურ დისკუსიაში თქვენი მონაწილეობა ნებაყოფლობითია და განხორციელდება სამუშაო საათებში, თქვენთვის და თქვენი მომსახურების მენეჯერისთვის მოსახერხებელ დროს. 

TAP-ის მონაცემთა შეგროვება: TAP აგროვებს ინფორმაციას კურსების მონაწილეებისა და მენტორების (თქვენი ჩათვლით) შესახებ რეგისტრაციისა (20 წუთამდე) და უკუკავშირის ფორმების (მხოლოდ მონაწილეებისათვის) მეშვეობით. ასევე, გროვდება ქვიზის ქულები და ინფორმაცია, რამდენ და რომელ მოდულებს ასრულებენ მონაწილეები და მენტორები. როდესაც მონაწილეები ან მენტორები უკუკავშირისთვის ერთვებიან სადისკუსიო ჯგუფებში, იქმნება დისკუსიების აუდიოჩანაწერი, რომელიც შემდეგ გარდაიქმნება წერილობით ჩანაწერად, ხოლო აუდიოჩანაწერი იშლება.

ინფორმაცია გამოყენებამდე გარდაიქმნება ანონიმურ მასალად, რაც ნიშნავს, რომ სახელები და პირადი დეტალები იშლება. ამ გზით, მკითხველი ვერ გაიგებს ვისზეა ინფორმაცია. ანონიმური ინფორმაცია გამოიყენება TAP ტრენინგის შესახებ ანგარიშების მოსამზადებლად და კვლევისთვის, რათა დაგვეხმაროს იმის გაგებაში:

• რამდენად კარგად მუშაობს TAP მონაწილეებისა და მენტორებისათვის და როგორ შეიძლება მისი გაუმჯობესება
• რა მოსაზრებები აქვთ მონაწილეებსა და მენტორებს დამხმარე პროდუქტების მიწოდებასთან დაკავშირებით
• სხვა რა ქმედებების განხორციელებაა შესაძლებელი დამხმარე ტექნოლოგიაზე წვდომის გასაუმჯობესებლად.

ანონიმური ინფორმაცია დაცულად ინახება ჯანდაცვის მსოფლიო ორგანიზაციის მიერ. მისი გაერთიანება შესაძლებელია TAP-ის სხვა პროექტების მონაცემებთან, ხოლო გაზიარება - პროექტის პარტნიორებთან, დონორებთან, მკვლევრებთან და ფართო დაინტერესებულ საზოგადოებასთან პუბლიკაციებსა და ანგარიშებში.

თუ თქვენ გაქვთ რაიმე შეკითხვა TAP-ის მონაცემთა შეგროვებასთან დაკავშირებით, შეგიძლიათ მიმართოთ პროექტის კოორდინატორს ან ელექტრონულ ფოსტას: [email protected]