Skip to main content
Özünə qulluq

Geyinmə köməkçi vasitələrindən necə istifadə etməli

Dərs: 4 of 6
Mövzu: 1 of 2
Resurslara baxın
0% Tamamlandı

Şəxsə geyinmə vasitələrindən necə istifadə edəcəyini öyrətmək vacibdir.

Geyinmə vasitələrindən istifadə texnikasını mənimsəmək müəyyən vaxt və vərdiş tələb edir; xüsusən də bu proses tək əllə icra olunursa, daha çox məşq etmək lazımdır..

Pasiyenti fiziki imkanı çatdığı hər bir hərəkəti özünün icra etməsinə həvəsləndirin.

Həmçinin pasiyentin baxıcısına və ya ailə üzvünə vasitənin ilkin istifadəsi zamanı ona necə dəstək olacaqlarını öyrətməyiniz tələb oluna bilər.

Nəyi öyrətməli

Şəxsin geyinməyə köməkçi vasitələrdən daha rahat istifadə etməsi üçün ona aşağıdakı şəkildə dəstək olun:

  • Uyğun bir geyinmə vəziyyətini seçin
  • Necə geyinib-soyunmağı nəzərdən keçirin
  • Müxtəlif növ geyim və ayaqqabılardan istifadə etməyi nəzərdən keçirin
  • Geyinmə vasitəsindən necə istifadə edəcəyinizi öyrənin

Geyinmə vəziyyətinin dəyişdirilməsi

Pasiyent özünü təhlükəsiz hiss etdiyi və müvazinətini rahat qoruya bildiyi duruşu seçdikdə, geyinmə alətindən istifadə onun üçün daha rahat olar və az güc tələb edər.

Oturaraq

Pasiyent tez yorulursa və ya müvazinətini qorumaqda çətinlik çəkirsə, ilk növbədə ona geyinmə alətindən oturaq vəziyyətdə istifadə etməyi öyrədin.

Pasiyent geyimi əyninə geyinmək və ya soyunmaq üçün sağrı nahiyəsini oturduğu yerdən qaldırmaq qabiliyyətinə malik olmalıdır.

A person sits in a chair and leans to the side to pull up trousers.

Uzanmaq

Pasiyent ayaqüstə durmaqda və ya oturmaqda çətinlik çəkirsə, fəaliyyəti uzanmış vəziyyətə keçirərək icra etməyi sınayın.

Pasiyent geyinmək üçün sağrısını çarpayıdan və ya döşəmədən qaldırmaq, yaxud bir tərəfdən digərinə çevrilmək qabiliyyətinə malik olmalıdır.

Əgər şəxs bunu edə bilmirsə, ona lazım ola bilər:

  • Geyinmək üçün yardım
  • Reabilitasiya xidmətinə yönləndirmə

A person lying down in bridge position to pull up trousers. Their back is on the bed with their buttocks raised slightly off the bed.

Sual

Vernaya əri çarpayıdan tualet kreslosuna transfer etməsinə kömək edir.

Verna ilə tanış olun

Vernanın 89 yaşı var və həyat yoldaşı Leyf ilə birgə yaşayır. Verna fiziki cəhətdən zəifdir, tez yorulur və ayaqüstə durarkən tarazlığı saxlamaqda çətinlik çəkir.

Yoldaşı Vernaya özünə qulluq məsələlərində, o cümlədən geyimini geyinmək və çıxarmaqda dəstək olur.

1. Verna üçün hansı geyinmə vəziyyəti daha asan ola bilər?

Cavabları yoxlamaq üçün seçin və klikləyin.

Ayaq üstə dayanmaqla

Yanlış.

Verna tez yorulur və ayaqda durduqda müvazinətini saxlamaqda çətinlik çəkir. Vernanın geyinməsi üçün alternativ pozisiya variantlarını nəzərdən keçirin.

Oturaraq

Doğrudur!

Oturaq vəziyyət Verna üçün daha az güc tələb edə bilər. Bu halda o, müvazinətini daha rahat qoruya və özü geyinə bilər.

Uzanmaq

Doğrudur!

Əvvəlcə Vernanın oturaraq geyinməyi daha rahat hesab edib-etmədiyini müəyyənləşdirin. Əgər o, müvazinətini qorumaqda çətinlik çəkərsə, fəaliyyəti uzanmış vəziyyətdə icra etməyi təcrübədən keçirə bilər.

Verna uzanmış vəziyyətdə geyinmək istəyir.

2. Vernanın uzanıb geyinməsi üçün hansı bacarıqlara ehtiyacı var?

İki variant seçin.



Cavabı yoxlamaq üçün klikləyin

Əgər a və b-ni seçdinizsə, haqlısınız!

Əgər Verna uzanmış vəziyyətdə geyinirsə, bir tərəfdən digərinə fırlanmaq və ya sarğı nahiyəsini qaldırmaq vacib bacarıqlardır.

Həmişə şəxsin hansı geyinmə mövqeyinə üstünlük verdiyini öyrənin.

Geyinmək tərzini dəyişdirmək

Pasiyentin bədənində zəiflik və ya ağrı hiss olunan tərəf varsa, geyinmə alətindən istifadə təliminə keçməzdən öncə müxtəlif geyinmə texnikalarını nəzərdən keçirin.

Məsələn, bir qolunda və ya ayağında zəiflik olan şəxs aşağıdakıları icra etməyi daha rahat hesab edə bilər:

  • Əvvəlcə paltarları zəif tərəfə geyinmək
  • Paltarları əvvəlcə güclü tərəfdən çıxarmaq

Aidanı xatırlayırsınız?

Aida insult keçirdikdən sonra bədəninin sol tərəfində zəiflik yaranıb. O, köynəyi ilk növbədə sol qolundan keçirməklə daha rahat geyinir.

Məşğələ

Bir qol istifadə etmədən geyinmə:

1. Bir qolunuz dizinizin üstündə olmaqla stulda əyləşin (icra etdiyiniz tapşırıq boyunca bu qolunuzu tərpətməyin).

2. Tək qolunuzla köynəyi (paltarınızın üzərindən) əyninizə geyinməyə və soyunmağa çalışın.

3. Düşünün:

  • Sizə nə çətin gəldi?
  • Asanlaşdırmağa nə kömək etdi?

4. Həmkarlarınızla mümkün həll yollarını müzakirə edin. Sonra köynəyi yenidən geyinməyə çalışın.

  • Bu dəfə daha asan oldu?
  • Niyə və ya niyə yox?

Mümkün həlləri yoxlamaq üçün klikləyin

  • Əvvəlcə köynəyin qolunu hərəkət etməyən qolunuza keçirin
  • Köynəyi kürəyinizə keçirməyi asanlaşdırmaq üçün onun qolunu çiyninizə qədər tam yuxarı çəkin
  • Arxanızdakı köynəyə çatmaq üçün önə əyilin
  • Ən sonda isə hərəkət edən qolunuzu köynəyin digər qoluna keçirin

Müxtəlif növ geyim və ayaqqabıların seçilməsi

Bəzi paltar və ayaqqabıları geyinmək və çıxarmaq daha asandır. Məsələn:

  • Uzanan və ya bol paltarlar
  • Zəncirbənd çəkmə halqası olan geyimlər və ya düyməsiz və zəncirbəndsiz geyimlə
  • Bağsız ayaqqabılar, məsələn ayağa rahat keçirilən və ya cırt-cırt bərkidicisi olan ayaqqabı modelləri

Shoe with Velcro closure.

A person uses the c shaped hook on a dressing stick to do up a zip.

Samueli xatırlayırsınız?

Samuel wears prescription spectacles and stands in front of his whiteboard. His board reads: have a shower, eat breakfast, remember your backpack.

Samuel Daun sindromu olan gənc bir oğlandır. O, geyinərkən barmaqlarının hərəkətlərini koordinasiya etməkdə çətinlik çəkir. Bu da düymələri ilikləmək və ayaqqabı bağlarını bağlamaq kimi tapşırıqları çətinləşdirir.

Samuel uses the diamond shaped hook on a button hook and zip puller to button his shirt.

Samuel köynəyinin düymələrini bağlamaq üçün düymə ilgəkləyici və zəncirbənd çəkən alətdən istifadə edir.

Samuel qaytanları düzəltmək və açmaqda çətinlik çəkir.

Səhiyyə işçisi Samuelə müxtəlif ayaqqabı modellərini təcrübədən keçirməyi məsləhət görür. Samuel tənzimlənən cırt-cırt bərkidicili ayaqqabıları bağlamalı modelləri daha rahat hesab edir.

Daban və barmaqları tamamilə örtən müalicəvi ayaqqabılar.

Müzakirə

  • Paltarını və ya ayaqqabısını daha rahat geyinib-soyunmaq üçün üzərində dəyişiklik etmiş tanıdığınız kimisə varmı?
  • Paltarı geyinməyi və ya soyunmağı asanlaşdırmaq üçün hər hansı bir fikriniz varmı?

Bu sualları həmkarlarınızla müzakirə edin.

Geyinmə vasitələrinin istifadəsi

Uzunan qrabber aləti (əşyagötürmə tutacağı)

Fərqli qrabber alətlərinin fərqli xüsusiyyətləri ola bilər.

A hand presses the trigger of a reach and grab tool.
Tutma mexanizminin qapanması üçün tətiyi sıxın
A hand releasing the trigger of a reach and grab tool.
Tutma mexanizmini açmaq üçün tətiyi buraxın

Paltarlara uzanmaq və onları geyinib/soyunmaq

Əksər qrabber alətlərindən istifadə etməyin ümumi yolu:

  1. Tutma mexanizmini bağlamaq üçün tətik sapını basın
  2. Geyimlərinizi özünüzə doğru gətirin
  3. Paltarı ayağın üzərinə çəkin və tətiyi buraxın

A person is sitting on a chair. They hold a reach and grab tool in their right hand with the trigger handle pressed. The grasping claw grips a skirt which is on the floor.

A person is sitting on a chair. They hold a reach and grab tool in their right hand with the trigger handle pressed. The grasping claw grips a skirt which is being pulled up over the persons right leg.

A person is sitting on a chair. They hold a reach and grab tool in their right hand with the trigger handle released. Their skirt is pulled over their right leg.

Geyinərkən və soyunarkən:

  • Əvvəlcə paltarı daha zəif və ya az hərəkətli ayağınıza keçirin
  • Ən sonda paltarı daha zəif və ya az hərəkətli ayağınızdan çıxarın

Geyinmə çubuğu

Paltarları geyinmək

Paltarı çiyninizin üstündən keçirmək üçün S-şəkilli qarmaqdan istifadə edin:

  1. Geyimlərinizi qolunuza doğru yönəldin
  2. Arxaya çatmaq üçün geyinmə çubuğunu çiyninizə söykəyin
  3. Geyimi çiyindən aşırmaq üçün qarmaqla tutub çəkin

A hand holds a dressing stick with the s shaped hook at the end.

A person sitting in a wheelchair. They hold a dressing stick in their right hand. The s shaped hook guides the sleeve up the arm.

A person sitting in a wheelchair. They hold a dressing stick in their right hand. The s shaped hook lifts the sleeve over the shoulder.

Paltarları çıxarmaq

S şəkilli qarmaqdan istifadə edərək:

  • İlk növbədə paltarı qarmaqla tutaraq çiyninizdən çıxarın
  • Sonra qolunuzu çıxarın
  • Digər tərəfdə də təkrarlayın

S şəkilli qarmaq, asılmış geyimləri asılqandan çıxarmaq üçün də istifadə oluna bilər.

C şəkilli qarmaq zəncirbəndi yuxarı qaldırmaq və ya aşağı çəkmək üçün istifadə edilə bilər.

Düymə ilgəkləyici

Düymə ilgəkləyici alətdən istifadə edərkən şəxs bir və ya hər iki əlindən istifadə edə bilər. Bu, onun fiziki imkanlarından asılıdır.

Düymələri bağlamaq

Romb şəkilli qarmaqdan istifadə edərək:

1. Düymə dəliyindən keçirin
2. Düyməni daha geniş hissə ilə tutun
3. Düyməni daha dar hissəyə keçirin
4. Düyməni ilgəkdən keçirin və rombşəkilli qarmağı sürüşdürərək çıxarın.

Düymələri açmaq

Romb şəkilli qarmaqdan istifadə edərək:

1. Düyməni qarmağın geniş hissəsi ilə ilişdirib daha dar hissəsinə doğru çəkin

A person holds a button hook in their right hand. They cross their arm over to the other side. The narrower part of the diamond shaped hook holds the button.

2. Qolunuzu çarpazlaşdırın

A person holds a button hook in their right hand. The diamond shaped hook holds the button which is pushed through the buttonhole.
3. Düyməni ilgəkdən geriyə itələyin
A person holds a button hook in their right hand. The diamond shaped hook is being pulled out through the buttonhole.
4. Düyməni qarmağın geniş hissəsinə sürüşdürmək üçün aləti aşağı çevirin və sonra düymə qarmağını çıxarın.

Zəncirbənd çəkən

A person uses the c shaped hook on a button hook and zip puller to close a zip on a shirt.

Zəncirbəndləri açmaq və bağlamaq

Düyməli qarmağın əks ucunda C şəkilli qarmaq yerləşir. Bu, zəncirbəndi tutub yuxarı çəkmək və ya aşağı endirmək üçün istifadə oluna bilər.

Corab geyinmək üçün köməkçi vasitə

Corab geyinmək

Siz oturmalısınız:

1. Corab geyinmə alətini iki ipi arxada qalmaqla dizlərinizin arasına yerləşdirin
2. Corabı corab geyinmə alətinin uc hissəsinə keçirin
3. İki ip vasitəsilə corab geyinmə cihazını aşağı salın
4. Ayağınızı corabın ucuna qoyun
5. Corab ayağınıza tam oturana qədər iki ipi yuxarı çəkin
Tövsiyə

Əgər şəxs yalnız bir əldən istifadə edə bilirsə, corabları bir-birinə bağlayaraq aşağı endirin və corab geyinmə alətindən istifadə edin.

Corabları çıxarmaq

Corabı soyunmaq üçün başqa bir adaptiv geyinmə vasitəsindən də yararlanmaq olar. Məsələn, corabı pəncədən sürüşdürüb çıxarmaq üçün dabankeşdən və ya geyinmə çubuğundan istifadə edilə bilər.

Uzun dəstəkli dabankeş

Ayaqqabı geyinmək

  1. Dabankeşi ayaqqabınızın daban hissəsinə dayayın
  2. Dabanınızı dabankeşə söykəyin
  3. Dabanınızı aşağı itələyin
  4. Ayağınızı ayaqqabınızın daxilinə sürüşdürərək keçirin və dabankeşi çıxarın

Təlimat

Uzun saplı dabankeşdən necə istifadə edəcəyinizi öyrənmək üçün bu videoya baxın.

Ayaqqabını çıxarmaq

  1. Dabankeşi dabanınıza söykəyərək ayaqqabının arxa hissəsinə yerləşdirin
  2. Ayaqqabını ayaqdan çıxarmaq üçün dabanınızı dabankeşə dayayıb yuxarıya doğru sürüşdürün

Məşğələ

Cütlərlə işləyərək, növbə ilə aşağıdakılardan necə istifadə edəcəyinizi izah edin:

  • Uzunan qrabber aləti (əşyagötürmə tutacağı)
  • Geyinmə çubuğu
  • Düymə ilgəkləyici və zəncirbənd çəkən
  • Corab geyinmək üçün köməkçi vasitə
  • Uzun saplı dabankeş

Daha sonra addımları izləyərək hər geyinmə vasitəsini növbə ilə istifadə etməyi məşq edin.

Təlimat

Geyinməyə köməkçi alətlərdən istifadəyə baxmayaraq, şəxsin geyinməsində və ya soyunmasında çətinlik qalarsa, pasiyenti reabilitasiya xidmətinə yönləndirin.