Bu modulda istifadə olunan terminlərin bəziləri aşağıda izah olunur. Bunları çap edərək modulu öyrənərkən istifadə edə bilərsiz.
Amputasiya – Bədənin bir hissəsinin, məsələn, ayağın və ya qolun olmaması (mövcud olmaması).
Artrit – Oynaqların sərtləşdiyi və/və ya hərəkət etməkdə ağrılı olduğu bir sağlamlıq problemi.
Sümük sınığı (sınıq) – Bədənin sümüyünün qırılması və ya çatlaması.
Kastor təkərləri – Fırlanaraq hərəkət edən təkərlər. Ofis oturacaqlarındakı və ya əlil arabalarının ön tərəfindəki kiçik təkərlər buna misaldır.
Serebral iflic – Hərəkətə, əzələ tonusuna, müvazinətə və qamətə təsir edən bir qrup xəstəlik. Serebral iflic, doğumdan əvvəl, doğum zamanı və ya doğumdan qısa müddət sonra beyin zədələnməsinin nəticəsidir.
Kontinensiya – Sidik ifrazı və defekasiya (bağırsaq boşalması) proseslərini sosial cəhətdən uyğun məkanda iradi olaraq tənzimləmə qabiliyyəti. Bu, tualet vərdişlərinin uğurlu və sərbəst şəkildə icra olunması kimi xarakterizə edilə bilər.
Kontinensiyanın idarə edilməsi – İnkontinensiyadan əziyyət çəkən şəxsin təhlükəsiz, effektiv tualetə getməsi üçün planlaşdırılmış prosesdir.
Xarici fiksator – Sınmış sümüklərin sağalana qədər düzgün vəziyyətdə qalmasını təmin edən bir çərçivə
Süstlük – Zəif, kövrək və az enerjili. Çox vaxt insanlar yaşlandıqca və sağlamlıqları pisləşdikcə baş verir.
Tibb mütəxəssisi – tibb mütəxəssislərinə xəstəlik, zədə və digər fiziki və ya əqli pozuntuların diaqnostikası, müalicəsi və profilaktikası üzrə tanınmış ixtisass dərəcəsinə malik olan həkimlər, tibb bacıları və digər müvafiq şəxslər aid edilir.
İflic – Bədənin bir hissəsini (adətən ayaqları və ya qolları) hərəkət etdirmək qabiliyyətinin itirilməsi.
Təzyiq yarası - Təzyiq yarası dərinin zədələnməsidir. O, adətən sümük üzrəindəki nahiyələrdə yaranır və hissiyat problemi olan, yaxud hərəkət etməkdə və vəziyyətini dəyişməkdə çətinlik çəkən insanlar üçün xarakterik patoloji hal hesab olunur.
Hərəkət etdirmək- Əlil arabasının yerdəyişməsini təmin etmək. Bu proses fərdin özü tərəfindən və ya kənar yardım vasitəsilə icra edilə bilər.
Protez ayaq – Amputasiya olunmuş ayaq və ya aşağı ətraf yerinə quraşdırılan süni ayaq və ya aşağı ətraf.
Onurğa beyni zədələnməsi – Adətən qəza və ya xəstəlik nəticəsində onurğa beyninin zədələnməsi. Onurğa beyni zədələnməsindən sonra bədənlə beyin arasındakı siqnallar onurğa beyni vasitəsilə ötürülə bilmir. Çox vaxt insan hərəkət edə bilmir (iflic olur) və zədə nahiyəsindən aşağı hissəni hiss edə bilmir.
Nəcis - Bağırsaqda toplanan həzm edilmiş tullantıları təsvir edən bir termindir. Ümumi terminlərə nəcisə çıxmaq, kaka etmək və s. daxildir.
İnsult – Beyində qan axınının tıxanması. Bu, bədənin bir tərəfinin zəifləməsinə və ya iflic olmasına, eləcə də danışma, hiss etmə, düşünmə və görmə ilə bağlı problemlərə səbəb ola bilər.
Güdül – Amputasiyadan sonra qol və ya ayağın sağlam oynaqdan sonrakı qalan hissəsi "qalıq ətraf", daha geniş yayılmış adı ilə isə "güdül" adlanır.
Güdül lövhəsi – Dizaltı güdülü düzgün vəziyyətdə saxlamaq və dəstəkləmək üçün əlil arabasına bərkidilən yumşaq altlıqlı lövhədir.
Transfer - Bədənin bir səthdən digərinə hərəkət etməsi.
Tanış olmadığınız başqa sözlərlə qarşılaşsanız, həmkarınızdan, mentorunuzdan soruşun və ya sual yazın.