თავის მოვლის დამხმარე საშუალებები, რომლებსაც არ მოიცავს TAP
TAP-ის დამხმარე საშუალებების შესახებ. მოდულები თავის მოვლის დამხმარე ზოგიერთ საშუალებას არ მოიცავს. ეს იმიტომ, რომ მათი უზრუნველყოფისთვის მეტი სწავლებაა საჭირო.
განაგრძეთ კითხვა, რომ გაეცნოთ ამ ტიპის თავის მოვლის დამხმარე საშუალებების ერთ მაგალითს.
თავის მოვლის დამხმარე საშუალებები ნაწოლების თავიდან ასაცილებლად
ნაწოლი არის კანის მთლიანობის დარღვევა, რომელიც გამოწვეულია ზეწოლით. ის, როგორც წესი, აღინიშნება ძვლიან უბანზე და გავრცელებული პრობლემაა იმ ადამიანებისთვის, რომლებსაც აქვთ შეგრძნებასთან (მგრძნობელობასთან) დაკავშირებული პრობლემები ან უჭირთ გადაადგილება და პოზიციის შეცვლა.
ნაწოლები გავრცელებული პრობლემაა იმ ადამიანებისთვის, რომლებსაც აღენიშნებათ დაქვეითებული მგრძნობელობა ან შეზღუდული მოძრაობა და რომლებიც სარგებლობენ ეტლით ან დიდ დროს ატარებენ წოლით მდგომარეობაში.
ნაწოლების თავიდან ასაცილებლად შესაძლებელია თავის მოვლის სხვადასხვა დამხმარე საშუალების გამოყენება.
პირებმა, რომლებიც სარგებლობენ ეტლით და იმყოფებიან ნაწოლების განვითარების რისკის ქვეშ, ეტლში ყოველთვის უნდა გამოიყენონ მათთვის გამოწერილი ნაწოლების საწინააღმდეგო ბალიში.
ადამიანებმა, რომელთაც აქვთ ნაწოლების განვითარების რისკი, ასევე საწოლში უნდა გამოიყენონ მათთვის გამოწერილი ნაწოლების საწინააღმდეგო მატრასი.
ნაწოლები, რომელიც არ ხორცდება, ჯანმრთელობისთვის სერიოზულ საფრთხეს წარმოადგენს. მნიშვნელოვანია ადრეული მართვა ნაწოლების პროგრესირების თავიდან ასაცილებლად.
ნებისმიერი ადამიანი, რომელსაც აქვს ნაწოლები, სამედიცინო თვალსაზრისით საყურადღებოა.
ნაწოლების შესახებ დამატებითი ინფორმაციისთვის იხილეთ TAP-ის მობილობაში დამხმარე საშუალებების მოდული.
თქვენ დაასრულეთ მეორე გაკვეთილი!
თუ გაქვთ შეკითხვები ან კომენტარი, გამოაქვეყნეთ ისინი სადისკუსიო ფორუმზე .