തുടര്‍ പരിശോധനാ വേളയിൽ എന്താണ് ചെയ്യേണ്ടത്

ഫോളോ അപ്പ് പ്രധാനമായിരിക്കുന്നത് എന്തുകൊണ്ട്

ഭൂതക്കണ്ണാടികളോ ദൂരദർശിനികളോ ഉപയോഗിക്കുന്നവര്‍ അവര്‍ക്ക് നല്‍കിയ ഉൽപ്പന്നം ഇപ്പോഴും അവരുടെ ആവശ്യങ്ങൾ നിറവേറ്റുന്നുണ്ടെന്ന് ഉറപ്പാക്കാൻ അവരെ നിരന്തരം ബന്ധപ്പെടുകയും ആവശ്യമായ പിന്തുണ നല്‍കുകയും വേണം.

തുടര്‍ പരിശോധനകള്‍ / നടപടികള്‍ പ്രധാനമാണ് എന്തെന്നാല്‍:

• കാഴ്ചക്കുറവുള്ള ചില വ്യക്തികളുടെ കാഴ്ച്ച കാലക്രമേണ കുറഞ്ഞുകൊണ്ടിരിക്കും.
• ആളുകളുടെ ആവശ്യങ്ങളും പ്രവർത്തനങ്ങളും മാറുന്നു, അതിനാൽ അവർക്ക് അധിക അധ്യാപനമോ മറ്റൊരു ഉൽപ്പന്നമോ ആവശ്യമായി വന്നേക്കാം.

തുടര്‍ പരിശോധനാ വേളയിൽ എന്താണ് ചെയ്യേണ്ടത്

വിവരങ്ങൾ ശേഖരിക്കുക

തുടർനടപടികൾ നടത്തുമ്പോൾ, മാഗ്നിഫയറോ ദൂരദർശിനിയോ ഇപ്പോഴും വ്യക്തിയുടെ ആവശ്യങ്ങൾ നിറവേറ്റുന്നുണ്ടോ എന്ന് കണ്ടെത്താൻ വിവരങ്ങൾ ശേഖരിക്കുക.

ഭൂതക്കണ്ണാടി അല്ലെങ്കിൽ ദൂരദർശിനി ഇപ്പോഴും വ്യക്തിയുടെ ആവശ്യങ്ങൾ നിറവേറ്റുന്നുണ്ടോയെന്നും നന്നായി പ്രവര്‍ത്തിക്കുന്നുണ്ടോയെന്നും മനസിലാക്കാൻ ഇനിപ്പറയുന്ന ചോദ്യങ്ങൾ നിങ്ങളെ സഹായിക്കും:

• നിങ്ങൾ ആഗ്രഹിക്കുന്ന പ്രവർത്തികള്‍ ചെയ്യാൻ ഭൂതക്കണ്ണാടി / ദൂരദർശിനി നിങ്ങളെ സഹായിക്കുന്നുണ്ടോ?
• നിങ്ങളുടെ ഭൂതക്കണ്ണാടി / ദൂരദർശിനി ഉപയോഗിക്കുന്നതിൽ നിങ്ങൾക്ക് എന്തെങ്കിലും പ്രശ്നങ്ങൾ ഉണ്ടോ?
• നിങ്ങളുടെ ഭൂതക്കണ്ണാടി / ദൂരദർശിനിയുടെ പ്രവര്‍ത്തനം സംബന്ധിച്ച് നിങ്ങൾക്ക് എന്തെങ്കിലും ചോദിക്കാന്‍ ഉണ്ടോ?

വ്യക്തി അവരുടെ ഭൂതക്കണ്ണാടി അല്ലെങ്കിൽ ദൂരദർശിനി ഉപയോഗിക്കുന്നില്ലെങ്കിൽ, അല്ലെങ്കിൽ അത് ഉപയോഗിക്കുന്നതിൽ എന്തെങ്കിലും പ്രശ്നങ്ങൾ ഉണ്ടെങ്കിൽ, അത് എന്തുകൊണ്ടാണെന്ന് കണ്ടെത്തേണ്ടത് പ്രധാനമാണ്. തുടർന്ന് നിങ്ങൾക്ക് ഒരുമിച്ച് അതിന് ഒരു പരിഹാരം കണ്ടെത്താൻ കഴിയും.

ഉൽപ്പന്നം ഉപയോഗിക്കുന്ന വ്യക്തിയെ നിരീക്ഷിക്കുക.

ഭൂതക്കണ്ണാടിയുടെ അല്ലെങ്കില്‍ ദൂരദർശിനിയുടെ അവസ്ഥ പരിശോധിക്കുക

• ലെൻസില്‍ പോറല്‍ ഏല്‍ക്കുകയോ പൊട്ടുകയോ ചെയ്തിട്ടുണ്ടോ?
• ഉൽപ്പന്നത്തിന്‍റെ മറ്റേതെങ്കിലും ഭാഗം പൊട്ടുകയോ അല്ലെങ്കിൽ ക്ഷയിക്കുകയോ ചെയ്തിട്ടുണ്ടോ?