Bu mövzuda TAP-da əhatə olunan çıxarıla bilən sərt çəkmələr haqqında daha ətraflı məlumat əldə edəcəksiz.
Çıxarıla bilən sərt çəkmə insanın ayaq biləyini 90 dərəcə sabit vəziyyətdə saxlayır.
Gəlin, çıxarıla bilən sərt çəkmələrin xüsusiyyətlərinə baxaq.
Vacib xassələr
- Böyüklər və uşaqlar üçün müxtəlif ölçülər
- Rahatlıq və dərini qorumaq üçün daxili astar
- Nizamlanan qaytanlar- çəkmənin uyğunluğunu tənzimləmək üçün
- Rahat yeriməyə kömək etmək üçün yuvarlaq formalı altlıq
- Plastik və ya alüminiumdan hazırlanan yüngül çəkili sabitləşdirici dayaqlar (dəstəklər).
Bəzi çıxarıla bilən sərt çəkmələrdə əlavə dəstək üçün ayaq biləyinin önündən keçən plastik də yerləşdirilə bilər.
Fəaliyyət
Ərazinizdə mövcud olan çıxarıla bilən sərt çəkmələrə diqqətlə baxın.
Onların neçə vacib xüsusiyyətləri var?
Yuvarlaq formalı altlıq
Bu, o deməkdir ki, ayaq biləyini sabit vəziyyətdə saxlayaraq yeriməyi asanlaşdırmaq üçün ayaqqabının altı əyri (qövs) formadadır.
Sual
Sizcə, yuvarlaq formalı altlıq yeriməyi necə asanlaşdırır?
Uyğun gələnlərin hamısını seçin.
Əgər a və b-ni seçmisinizsə, haqlısınız.
Bu forma yuvarlaq olmayan altlıq ilə müqayisədə əzələlərin çox işləməsinə ehtiyac qalmadan yeriməyi daha da asanlaşdırmağa imkan yaradır.
c doğru deyil. Yuvarlaq formalı altlıq yeriməyi asanlaşdırır.
Digər xassələri
Bəzi çıxarıla bilən sərt çəkmələrin xüsusi xassələri aşağıdakı kimidir. Məsələn:
- Əlavə qoruma
- Ayaq biləyinin müxtəlif mövqelərdə saxlama qabiliyyəti.
Həmçinin müxtəlif hündürlüklü çıxarıla bilən sərt çəkmələr da mövcuddur.
Bu modula xüsusi xassələri olan və ya müxtəlif hündürlükdə olan qəliblərin və ya çıxarıla bilən sərt çəkmələrin hazırlanması haqqında məlumat daxil deyil.
Qəliblər və çıxarıla bilən sərt çəkmələr arasında seçim etmək
Qəliblər həmçinin çıxarıla bilən sərt çəkmənin istifadə etdiyi bəzi xəsarətlər üçün də istifadə edilə bilər.
Qəlib (gips, sarıq)
Çıxarıla bilən sərt çəkmə
Gəlin, onların hər birinin üstünlüklərinə nəzər salaq.
Çıxarıla bilən sərt çəkmələrin üstünlükləri
- Yuvarlaq formalı altlığı olduğuna görə yeriməyi asanlaşdırır
- Şəxsin yuyunması və dərisini yoxlaması üçün çıxarıla bilər
- Ayaq/qılçanın şişmə səbəbi ilə ölçüsü və ya forması dəyişirsə, onu nizamlamaq mümkündür
- Daha tez müddətdə uyğunlaşdırmaq mükündür
- Daha davamlıdır.
Cesi xatırlayırsınız?
Cessin çıxarıla bilən sərt çəkməsı onun uşaqlarına baxmağı və onlarla birlikdə məktəbə getməyini asanlaşdırmışdır.
Cess görür ki, axşam onun ayağı və qılçası şişir. Bu isə ona çəkmədə ayağının çox sıxıldığını hiss etdirir. Bu baş verdikdə, Cess daha rahat hiss etmək üçün qaytanları nizamlayır və qılçasını dincəldir.
Cess yuyunarkən çəkməsini çıxartmağa icazə verilib. Bu həm də onun dərisini yoxlamaq imkanıdır.
Qəliblərin üstünlükləri
- Onları qılça/ayaq istənilən formasına uyğun hazırlamaq olar
- Qılçada/ayaqda hərəkəti azaltmaqda daha effektiv olurlar
- Onlar ayaq biləyini/ayağı istənilən vəziyyətdə saxlaya bilər
- Ağır xəsarətlər üçün saxlanılması vacib olduğuna görə istifadəçi onu özü çıxara bilməz
Qəlib və ya çıxarıla bilən sərt çəkmədən istifadə etmək seçimi hər zaman həkim tərəfindən təqdim edilir.