ადამიანები, რომლებიც იყენებენ დამხმარე პროდუქტებს
ბევრი განსხვავებული ადამიანი იყენებს დამხმარე პროდუქტებს. მათ შორის:
- ბავშვები, ზრდასრულები და ხანდაზმული ადამიანები
- შეზღუდული შესაძლებლობის მქონე პირები
- ჯანმრთელობის პრობლემების მქონე ადამიანები
ადამიანებს ხშირად სჭირდებათ ერთზე მეტი დამხმარე პროდუქტი. მაგალითად:
- ბავშვს, რომელსაც უჭირს მოძრაობა და მხედველობის პრობლემა აქვს, შეუძლია გამოიყენოს ეტლი გადაადგილებისთვის, ბალიში კომფორტულად დასაჯდომად და სათვალეები მხედველობის გასაუმჯობესებლად.
- ხანდაზმულ ადამიანს შეიძლება დასჭირდეს გადასაადგილებელი დამხმარე საშუალებები, სმენის დამხმარე აპარატები და სამკურნალო ფეხსაცმელი ფეხის დაზიანების თავიდან ასაცილებლად.
გაიცანით ჯუ.
ჯუს ცერებრული დამბლა აქვს, რაც გავლენას ახდენს მის მოძრაობასა და მეტყველებაზე. გადასაადგილებისათვის და ვერტიკალური პოზიციის შესანარჩუნებლად იგი ეტლს იყენებს. ის ასევე იყენებს საკომუნიკაციო დაფას, რაც მას მეგობრებთან და ოჯახთან ურთიერთობაში და სკოლაში სწავლისას ეხმარება.
გაიცანით მათიასი.
მათიასი სახლში მეუღლესთან ერთად ცხოვრობს. მას დიაბეტი აქვს და სუსტი ჯანმრთელობა აქვს. მატიასი სახლსა და ბაღში სასეირნოდ იყენებს როლატორს.
ქუჩაში გასასვლელად მათიასი იყენებს შემწოვ ქსოვილებს. ეს მას თავდაჯერებულობას მატებს, რადგან ზოგჯერ შარდის უნებლიე გამოყოფას განიცდის.
გაიცანით სემუელი.
სემუელი მოზარდია, რომელსაც დაუნის სინდრომი აქვს. ის ატარებს სათვალეს და იყენებს ციფრულ დამხმარე საშუალებას სმენადაქვეითებულთათვის. სემუელს ყურადღება ხშირად ეფანტება და ყოველთვის არ ახსოვს, რა უნდა გააკეთოს. სახლში იგი იყენებს დაფას და მობილური ტელეფონის აპლიკაციას. ორივე ეხმარება მას გახსენებაში, თუ რა უნდა გააკეთოს და ვის უნდა შეხვდეს.
შეუერთდით სადისკუსიო ფორუმს
- წარმოადგინეთ თავი და დაასახელეთ, საიდან ხართ.
- გააზიარეთ, იყენებთ თუ არა დამხმარე პროდუქტებს ან/და რატომ გადიხართ ამ მოდულს.
თქვენ დაასრულეთ პირველი გაკვეთილი!