മെച്ചപ്പെടുത്താൻ കഴിയാത്ത കാഴ്ച പ്രശ്നങ്ങൾ

ചില കാഴ്ച പ്രശ്നങ്ങൾ പരിഹരിക്കാൻ കഴിയില്ല. ഇതിനർത്ഥം ചികിത്സകൊണ്ടോ കുറിപ്പടി കണ്ണട ഉപയോഗിച്ചോ കാഴ്ച പൂർണ്ണമായും പുനഃസ്ഥാപിക്കാൻ കഴിയില്ല എന്നാണ്.

ഈ അവസ്ഥയിലുള്ള മിക്കവര്‍ക്കും കാഴ്ചാക്കുറവോ അന്ധതയോ അനുഭവപ്പെടുന്നു. ഇവര്‍ക്ക് സഹായക ഉൽപ്പന്നങ്ങൾ വളരെ പ്രധാനമാണ്.

കാഴ്ചാക്കുറവ്

കാഴ്ചാകുറവുള്ള ഒരു വ്യക്തിക്ക് അവ്യക്തമായി കാണാനാകും, എന്നാല്‍ ഇവര്‍ക്ക് കാഴ്ച്ചാ സഹായക ഉല്‍പ്പന്നങ്ങള്‍ ഇല്ലാതെ ഒരു പ്രവര്‍ത്തി ചെയ്യുന്നതിനും, പഠന പ്രവര്‍ത്തനങ്ങള്‍ നടത്തുന്നതിനും പ്രയാസമനുഭവപ്പെടും.

പല കാരണങ്ങളാല്‍ ഉണ്ടാകുന്ന കാഴ്ച്ചക്കുറവ് പ്രവര്‍ത്തന മേഖലയില്‍ പ്രശ്നങ്ങള്‍ ഉണ്ടാക്കിയേക്കാം. ഉദാഹരണത്തിന്:

• ഗുരുതരമായ കാഴ്ചാ പ്രശ്നമുള്ള വ്യക്തികള്‍ക്ക് (കണ്‍മുന്‍പിലെ വസ്തുക്കള്‍ വ്യക്തികള്‍ എന്നിവ പോലും കാണാന്‍ ബുദ്ധിമുട്ടുള്ളവര്‍ക്ക്) മുന്നിലുള്ള ആളുകളേയും വസ്തുക്കളേയും അതിന്‍റെ പൂര്‍ണ്ണ രൂപത്തില്‍ കാണാന്‍ പ്രയാസമായിരിക്കും.
  
• പ്രാന്തമായ കാഴ്ചക്കുറവുള്ള വ്യക്തികള്‍ക്ക് (കാഴ്ച്ചാ പരിധിയിലുള്ള കാര്യങ്ങൾ കാണാനുള്ള കഴിവ് നഷ്ടപ്പെടൽ) സ്വയമേ സഞ്ചരിക്കാന്‍ പ്രയാസമുണ്ടാകാം, കാരണം അവർക്ക് നടവഴിയും, വഴിയിലെ തടസ്സങ്ങളും കാണുവാന്‍ ബുദ്ധിമുട്ടാണ്.

കാഴ്ചക്കുറവുള്ള ആളുകൾക്ക് ഒരു നേത്രരോഗ വിദഗ്ദ്ധൻ അവരുടെ കാഴ്ചശക്തി പൂർണ്ണമായി വിലയിരുത്തണം; കാരണം കുറിപ്പടി നൽകുന്ന കണ്ണടകളും മറ്റ് വൈദ്യ പരിചരണങ്ങളും അവരുടെ കാഴ്ചശക്തി മെച്ചപ്പെടുത്തും.

അന്ധത

അന്ധനായ ഒരു വ്യക്തിക്ക് പൂര്‍ണ്ണമായും കാഴ്ച നഷ്ടപ്പെടുന്നു.

അന്ധനായ ഒരു വ്യക്തിയുടെ കാഴ്ചയെക്കുറിച്ച് പൂർണ്ണമായ വിലയിരുത്തൽ ഒരു നേത്രാരോഗ്യ വിദഗ്ദ്ധൻ നടത്തണം. നേത്രാരോഗ്യ പ്രശ്നത്താലാണ് കാഴ്ച്ച നഷ്ടമായതെങ്കില്‍ അയാളുടെ കാഴ്ച ചികിത്സിച്ച് ഭേദപ്പെടുത്തുന്നതിനോ മെച്ചപ്പെടുത്തുന്നതിനോ കഴിയും.

പൂര്‍ണ്ണമായും അന്ധരായ ആളുകൾക്ക് പഠനത്തിനും മറ്റ് പ്രവർത്തനങ്ങൾ നടത്തുന്നതിനും വ്യത്യസ്ത മാർഗങ്ങൾ ഉപയോഗിക്കുന്നു, പലപ്പോഴും സഹായക ഉപകരണങ്ങളെ ആശ്രയിക്കുന്നു.

മുകളിൽ വിവരിച്ച ഏതെങ്കിലും കാഴ്ചാ പ്രശ്നങ്ങളുള്ള കുട്ടികൾക്കും മുതിർന്നവർക്കും കാഴ്ച്ചാ സഹായക ഉൽപ്പന്നങ്ങളിൽ നിന്ന് പ്രയോജനം ലഭിച്ചേക്കാം.

ഏത് ഉൽപ്പന്നമോ ഉപകരണമോ ആണ് വ്യക്തിക്ക് അനുയോജ്യമായത് എന്ന് അയാളുടെ കാഴ്ച്ചാ പ്രശ്നത്തേയും അയാള്‍ ചെയ്യാന്‍ ഉദ്ദേശിക്കുന്ന കാര്യങ്ങളെയും ആശ്രയിച്ചിരിക്കുന്നു.