निर्देशन
चश्मा प्रदान गर्ने चरणको तेस्रो चरण सहायक सामाग्री कसरी प्रयोग गर्ने र यसको हेरचाह कसरी गर्ने भनेर व्यक्तिलाई सिकाउनु हो।
सहायक उत्पादनहरूको परिचय मोड्युलमा वर्णन गरिएको तीन चरण प्रक्रिया प्रयोग गर्न नबिर्सनुहोस्:
- व्याख्या गर्ने
- प्रदर्शन गर्ने
- अभ्यास गर्ने
नजिकको दृश्य चश्मा प्रयोग गर्ने
व्यक्तिलाई नजिकबाट केहि हेर्न आवश्यक पर्दा नजिकको दृश्य चश्मा लगाउन सकिन्छ भनेर व्याख्या गर्नुहोस्।
नजिकबाट हेर्ने चस्मा लगाउनुका साथै, मानिसहरूलाई नजिकबाट हेर्दा पर्याप्त प्रकाश छ भनी सुनिश्चित गर्न प्रोत्साहित गर्नुहोस्।
सुझाव दिनुहोस् कि उनीहरू:
- कम उज्यालो भएको ठाउँमा पढ्ने वा अन्य नजिक हेर्नु पर्ने दृष्टि कार्यहरू बाट जोगिनुहोस्
- प्राकृतिक प्रकाशको राम्रो प्रयोग गर्नुहोस् - उदाहरणका लागि नजिकको कार्यहरू गर्दा बाहिर वा झ्यालको छेउमा बस्नुहोस्
- नजिकैका कामहरूमा बत्ती बाल्नुहोस्।
मलिक सँग भेष्नुहोस्
मलिकको रोजगारदाताले सिलाई मेशिन राखेका ठाउँहरुमा अतिरिक्त बत्तीहरू जडान गरिदिएका छन् ताकि कर्मचारीहरूलाई राम्रो सँग हेर्न मद्दत पुगोस्।
केही मानिसहरूलाई नजिकको दृश्य भएको चस्मा लगाउनाले उनीहरूको आँखा अल्छी हुने चिन्ता हुन सक्छ। नजिकको दृश्य भएको चस्मा लगाउनाले उनीहरूलाई कुनै हानि हुँदैन भनेर मानिसहरूलाई आश्वस्त पार्नुहोस्।
यदि कुनै व्यक्तिले निम्न समस्याहरू मध्ये कुनै पनि अनुभव गर्दछ भने, उनीहरूले पुनः जाँच (फलोअप) को समयको लागि फर्कनु पर्छ वा आँखा सम्बन्धी स्वास्थ्यकर्मीलाई देखाउनु पर्छ:
- टाउको दुखेमा
- एकदम नजिकका वस्तुहरू फेरि हेर्न गाह्रो भएमा
- हेर्दा तनाव भएमा
- उनीहरूले वस्तुहरू वा पठन सामग्रीहरू स्पष्ट रूपमा देख्नको लागि धेरै नजिक वा धेरै टाढा राख्नु पर्छ।
नजिकको दृश्य चश्माको हेरचाह गर्दै
व्यक्तिसँग उनीहरूको नजिकको दृष्टिको चश्माको हेरचाह गर्ने बारेमा कुरा गर्नुहोस्।
उनिहरूले चश्माको हेरचाह गरे भने, यसले अझ राम्रो काम गर्नेछन् र लामो समयसम्म टिक्नेछन् भनेर व्याख्या गर्नुहोस्।
मानिसहरूलाई सिकाउनुहोस्:
- उनीहरूको चश्मा कसरी ह्यान्डल गर्ने
- चस्मा कसरी सफा गर्ने
- नियमित रूपमा स्क्रू जाँच गर्न।
नजिकको दृश्य चस्मा कसरी ह्यान्डल गर्ने
नजिकको दृश्य चश्मालाई फ्रेमको छेउमा राख्नुहोस्। लेन्स नछुनुहोस्।
दुवै हातले नजिकको दृश्य चश्मा फुकाल्नुहोस्। यसले फ्रेम कायम राख्न मद्दत गर्छ।
नजिकैको दृश्य चश्मालाई फ्रेममा राख्ने गरी तल राख्नुहोस् - लेन्समा कहिल्यै नराख्नुहोस्।
नजिकैको दृश्य चस्मा पट्याएर र केसमा राख्नुहोस्।
नजिकको दृश्य चश्मा कसरी सफा गर्ने
- धुलो र फोहोर हटाउन चश्मालाई हल्का मनतातो धाराको पानीमुनि पखाल्नुहोस्।
- सफा हातले लेन्स र फ्रेमको दुवै तिर बिस्तारै रगड्नुहोस्।
- राम्ररी पखाल्नुहोस् र सफा भुवा रहित कपडा (उदाहरणका लागि नरम कपास) ले सुकाउनुहोस्।
सुझाव
तिनीहरूलाई सफा गर्न सुख्खा लेन्सलाई रगड्नबाट बच्नुहोस्। यसले लेन्समा फोहोर रगडिन्छ, जसले गर्दा कोरिने हुन्छ। कोरिएको लेन्सले हेर्न गाह्रो हुन्छ।
पेच (स्क्रू) जाँच गर्नुहोस्
मानिसहरूलाई नियमित रूपमा आफ्नो नजिकको दृश्य चश्मामा भएका साना पेचहरू जाँच गर्न प्रोत्साहित गर्नुहोस्।
स्क्रू सामान्यतया कब्जा (हिँज) र नोज प्याडमा फेला पार्न सकिन्छ।
यदि स्क्रूहरू खुकुलो छन् भने तिनीहरूलाई सही आकारको स्क्रू ड्राइभरले बिस्तारै कस्नु पर्छ।
गतिविधि
- तपाईंसँग उपलब्ध गराउन सकिने नजिकको दृश्य चश्मामा कुनै पनि पेचहरू पहिचान गर्नुहोस्।
- तपाईंले पहिचान गर्नुभएका स्क्रूहरूसँग मिल्ने स्क्रूड्राइभरहरू उपलब्ध छन् कि छैनन् जाँच गर्नुहोस्।
- स्क्रूलाई बिस्तारै कस्ने अभ्यास गर्नुहोस्।