Müalicəvi ayaqqabının şəxsin ehtiyaclarını qarşılayıb-qarşılamadığını onunla müzakirə edin.
- O, müalicəvi ayaqqabından istifadə edirmi?
- Onun müalicəvi ayaqqabından istifadə etməkdə problemi varmı?
- Onun hər hansı sualı varmı?
Şəxslə söhbət edin
Əgər şəxs müalicəvi ayaqqabılardan istifadə etmirsə və ya onlardan istifadədə problem yaranarsa, səbəbini öyrənin. Sonra birlikdə çıxış yolu tapa bilərsiniz.
Onun müalicəvi ayaqqabılardan necə və nə üçün istifadə etmələrini başa düşməyə kömək edəcək sualları ola bilər və bu suallara cavab verə bilərsiniz.
Şəxsdən əvvəlki seansda öyrəndiyi ayağa qulluq və ayağın qorunması mərhələlərindən hər birini izah etməsini xahiş edin.
Sual
Jenşeni xatırlayırsınız?
Aşağıda bir tibb işçisi ilə Jenşen arasında müalicəvi ayaqqabıların uyğunlaşdırılması zamanı müzakirə aparılır.
Baş verənləri oxuyun və müzakirənin harada səhv getdiyini düşünün. Ünsiyyət zamanı yaranan problemləri müəyyən etməyə çalışın.
Səhiyyə işçisi qəhvəyi rəngli, barmaqların üzərini örtən müalicəvi ayaqqabını Jenşen üçün seçir və ona uyğunlaşdırır.
1. Səhiyyə işçisi mövcud olan müxtəlif ayaqqabı növlərini göstərdimi və müxtəlif xüsusiyyətlərin faydalarını izah etdimi?
Xeyr. O, Jenşenə izah etmək və seçim etmək əvəzinə, onun nəyi əldə etməli olduğunu söylədi.
2. Səhiyyə işçisi ayaqqabının rəngində hər hansı seçim etdimi?
Xeyr, rəng seçimi etmədi. Jenşen üçün ayaqqabının daha məqbul olması üçün heç bir iş görülmədi.
3. Səhiyyə işçisi bu qərara Jenşenin şəxsən verdiyi üstünlüyü daxil etdimi?
Xeyr, səhiyyə işçisi Jenşenin şəxsən verdiyi üstünlük əvəzinə, öz fikrini seçdi.
4. Necə düşünürsünüz, Jenşen müalicəvi ayaqqabısını hər gün geyinəcəkdir?
Xeyr, Jenşen bu ayaqqabıları xoşlamadığl üçün çətin ki, onları geyinsin.
5. Jenşenin hər gün müalicəvi ayaqqabı geyinməməyi hansı riski yaradır?
Onda ayaq yarası inkişaf etmək ehtimalı yüksəkdir.
Müzakirə
Jenşenin hər gün geyinməkdən məmnun olduğu bir cüt müalicəvi ayaqqabını necə seçdiyi barədə onunla birlikdə müzakirə edin.
Hər hansı yeni ehtiyac və ya problemləri müəyyən edin
Hər hansı bir yeni ehtiyac və ya problemi şəxslə müzakirə edin və nə etməli olduğunuza birlikdə qərar verin. Buraya aşağıdakılar daxil ola bilər:
- Təkrar qiymətləndirmə
- Yönləndirmə.
Şəxsdən xahiş edin ki, kresloya otursun, müalicəvi ayaqqabılarını və corablarını çıxarsın.
Çıxardıqdan sonra şəxsin ayaqlarını və müalicəvi ayaqqabısını yoxlayın.
Ayaqları yoxlayın
Hər iki ayağın dərisində hər hansı bir ləkənin və ya problem əlamətinin olub-olmadığını yoxlayın. Dəridəki qızartı, xəsarət və ya zədələnmiş nahiyələrə baxın.
Əgər narahatlıq doğuran hər hansı bir nahiyə tapsanız, onun səbəbinin ayaqqabı olub-olmadığına baxın. Şəxsin yeni qiymətləndirməyə ehtiyacı ola bilər. Ayaq klinikasına/ yara klinikasına yönəldin.
Uyğun corablar
Corabların müvafiq olub-olmadığını görmək üçün onları yoxlayın.
Vəziyyət
Yoxlayın:
- Aşınma və yırtıq, zədələnmiş sahələrin olub-olmaması
- Ayaqqabıların içərisinin təmiz və quru olması
- İçliyin sıxılması və ya zədələnməsi halları.
Qabiliyyət
Şəxsdən corablarını və müalicəvi ayaqqabılarını geyindirməyi xahiş edin.
Şəxs evdə olduğu kimi, sizin köməyiniz olmadan ayaqqabılarını geyinməlidir.
Əgər o, adətən dostlarının və ya dayələrinin köməyindən istifadə edirsə, onda müşahidəyə gəlməlidir.
Şəxs və ya onun dostu/ dayəsi müalicəvi ayaqqabını geyinərkən diqqətlə baxın.
Yardım
Lazım gələrsə, şəxsə müalicəvi ayaqqabılarını necə geyinə biləcəyini deyə bilərsiniz.
Uyğunlaşdır
TAP Müalicəvi ayaqqabıların qiymətləndirilməsi formasının Uyğunluğun yoxlanılması bölməsindən istifadə etməklə uyğunluğu və ya müalicəvi ayaqqabıları yoxlayın.
Müşahidə zamanı qiymətləndirmə formasındakı
uyğunluğun yoxlanılması mərhələlərini yerinə yetirin.
Əgər şəxsin müalicəvi ayaqqabıları düzgün şəkildə uyğunlaşdırılmazsa, əvvəlki uyğunlaşdırmadan sonra nəyin dəyişdiyini yoxlayın.
Əgər ölçü düzgün deyilsə, düzgün ölçü ilə yenidən uyğunlaşdırın.
Müşahidə zamanı ayaq yaraları
Müalicəvi ayaqqabı geyinən şəxslər ayaq yarasının yaranma təhlükəsi ilə üz-üzədir. Onarın ayaqlarında baş verən dəyişiklikləri yoxlaması vacibdir.
Yara
Ayaq və ya yara klinikasına təcili yönəltmək tələb olunur. Şəxsi 24 saat ərzində tibb mütəxəssisi görməlidir. Yaranın səbəbinin müalicəvi ayaqqabı olub-olmadığını yoxlayın.
Qızartı və şişkinlik
Təcili olaraq səhiyyə mütəxəssisi, yara müalicəsi / ayaq klinikasına yönəltmək tələb olunur. Şəxsin ayaq infeksiyasına yoluxması ehtimalı var.
Amputasiya
Şəxs TAP-dan əlavə məhsul tələb edəcəklər. Ayaq barmağı və ya ayağının bir hissəsi apmputasiya edilmiş şəxsin protezi artıq varsa, onu müalicəvi ayaqqabılarla uyğunlaşdırmaq olar.
Şəxsin dəyişiklik olmayan ayağı/qılçası müalicəvi ayaqqabıdan faydalana bilər.
Yeni köməkçi məhsul
Sonuncu səfərindən sonra şəxsə müalicəvi ayaqqabılarına əlavə olaraq yeni bir köməkçi məhsul verilmiş ola bilər. Bu məhsul aşağıdakılardan ibarət ola bilər:
- Ayaq üçün ortopedik vasitə
- Çıxarıla bilən sərt çəkmə
- Protez.
Şəxs öz səhiyyə mütəxəssisinin verdiyi məsləhətlərə əməl etməlidir.
Yadda saxlayın: Əgər müalicəvi ayaqqabılar uyğun deyilsə və ya istifadə etmək üçün yararsızdırsa, onda onu təmir edənə və ya onu əvəz edənə qədər istifadə etmək olmaz.