Kipimo cha usikivu kitapima masikio ya mtoto wa kulia na kushoto ili kuangalia kupotea kwa usikivu. Matokeo yatakusaidia wewe, mtoto na mlezi wao kuamua kama Vifaa saidizi vya usikivu vinaweza kusaidia.
Maelekezo
Tumia sehemu ya upimaji wa usikivu katika fomu ya tathmini na uangalie Jedwali la viwango vya Kupoteza usikivu ili kujua kama mtoto ana hasara yoyote ya kusikia.
Swali
Unaweza kufanya nini ili kurahisisha kwa mtoto mwenye tatizo la kusikia kuelewa kile unachosema?
Chagua majibu mawili.
Uko sahihi Ikiwa umechagua c na d kama majibu sahihi !
Kaa katika usawa sawa na mtoto. Weka uso wako katika sehemu yenye nuru nzuri huku ukizungumza vizuri na taratibu ili iwe rahisi kwao kuelewa unachosema.
Mbinu rafiki kwa watoto
Tayarisha mtoto kwa ajili ya upimaji wa usikivu kwa njia rahisi, ya kufurahisha na ya kucheza.
Onyesha vifaa ili wajue kitakachotokea wakati wa kipimo cha usikivu.
Maelekezo
Tazama video hii ya mhudumu wa afya akitumia mbinu rafiki kwa mtoto kuelezea kipimo cha usikivu.
Swali
Tazama picha hii ya mhudumu wa afya akionyesha vifaa kwa kutumia mbinu rafiki kwa mtoto.
1. Ni nini hufanya mbinu hii kuwa rafiki kwa watoto?
- Kuketi kwa urefu cha mtoto
- Kutabasamu na kumtazama mtoto
- Kuruhusu mtoto kuona vifaa vya upimaji
2. Ni njia gani zingine za kumtuliza mtoto wakati wa Kipimo cha usikivu?
Njia zingine za kumhakikisha mtoto usalama wake ni pamoja na:
- Kutumia sauti rafiki
- Kueleza mambo taratibu na kuangalia kama mtoto ameelewa
- Kumwambia mtoto kuwa anafanya vizuri kwenye kipimo.
Ufanyaji wa kipimo cha usikivu
Wakati wa kupima wa usikivu na mtoto:
- Eleza kuhusu kipimo cha uwezo kusikia
- Fanya mazoezi ya majibu ya kipimo
- Fanya kipimo cha usikivu
- Kukotoa wastani wa kiwango cha usikivu
- Rekodi matokeo kwa kila sikio.
1. Eleza kuhusu kipimo cha uwezo kusikia
Eleza kwamba utapima usikivu wa mtoto kwa kupima sauti tulivu zaidi ambayo anaweza kusikia (kiwango cha chini kabisa cha sauti kinachoweza kusikika).
2. Fanya mazoezi ya majibu ya kipimo
Keti ukitazamana na mtoto ili aweze kukuona vizuri zaidi.
Elezea:
- Mara tu utakaposikia sauti, bonyeza kitufe cha kujibu au inua mkono wako upande sawa na sauti
- Achia kitufe au shusha mkono wako mara tu usiposikia sauti tena
- Kabla ya kuweka spika za masikioni kichwani , fanya mazoezi ya majibu ya kipimo
- Mtoto anapojibu, msifu na umtie moyo.
Dokezo
Ikiwa mtoto hataweza kutoa majibu kulingana na kipimo inaweza kusaidia:
- Tumia vinyago au vibandiko kumhimiza mtoto kushiriki
- Badilisha ishara ya majibu, kwa mfano, mtoto anaweza kupunga mkono wake au kushusha mdoli pale anaposikia sauti
- Fanya mazoezi ukiwa na mlezi wake
- Waonyeshe video ya mtoto mwingine anayefanya zoezi kama lao.
Fanya mazoezi na mtoto kwanza kwa hezi 1000 (Hz) na desibeli (dB) 40 :
- Mwambie mtoto kuvaa vitu kwenye masikio ambavyo vinaweza kuchuja kelele
- Kagua spika za masikioni kama ziko katika nafasi sahihi
- Fanya mazoezi mara mbili kwa kila sikio.
Dokezo
Ikiwa mtoto hawezi kusikia sauti ya mazoezi, ongeza sauti kwa 10 dB na kurudia.
3. Fanya Kipimo cha usikivu
- Vaa spika za masikioni zinazochuja kelele kwa mtoto.
- Kagua spika za masikioni kama ziko katika nafasi sahihi
- Anza Kipimo cha usikivu kwenye sikio la mtoto linaweza kusikia vizuri zaidi. Kama linalosikia vyema zaidi halijulikani, anza na sikio la kulia
- Weka masafa kwenye kiwango cha 1000 Hz na 40 dB.
Dokezo
Ili kufanya kipimo kwa usahihi zaidi:
- Kuwa ,mahali ambapo mtoto hataweza kukuona ukiwasilisha sauti
- Badilisha mdundo wa jinsi unavyowasilisha sauti. Hii ni kuepusha mtu anayepimwa kubahatisha ni lini utawasilisha sauti inayofuata.
Sauti za masafa ya juu zaidi ya Hz 1000 kwa kawaida ni rahisi kusikika na humpa mtoto kujiamini mwanzoni mwa Kipimo cha usikivu.
- Bonyeza kitufe kwa sekunde 2 hadi 3 na uone kama mtoto atainua mkono wake:
- Ikiwa mtoto atainua mkono wake, punguza kiwango cha sauti kwa dB 10
- Ikiwa mtoto hatajibu, ongeza kiwango cha sauti kwa dB 5
- Endelea hadi upate sauti ya chini kabisa ambayo mtoto anaweza kusikia:
- Rudia sauti mara tatu ili kuthibitisha kiwango cha chini kabisa ambacho mtu anaweza kusikia
- Ikiwa mtoto anajibu kwa usahihi walau mara mbili kati ya tatu kwa masafa yaliyojaribiwa, rekodi kiwango cha juu kwenye fomu
- Rudia upimaji katika masafa 2000 Hz, 4000 Hz na 500 Hz
- Rudia zoezi kwenye sikio la upande wa kushoto la mtoto.
Maelekezo
Tazama video hii ya mtoto akipimwa uwezo wake wa kusikia.
Kazi
Katika vikundi fanya mazoezi ya kupima wa usikivu na mtoto ambaye hana upotezaji wa kusikia.
Andaa:
- Ainisha nafasi
- Hakikisha kiwango cha sauti kinafaa kwa kutumia mita ya kiwango cha sauti au kupakuliwa Programu ya kusikia ya WHO:
- Bofya kwenye 'angalia Uwezo wako wa kusikia' ili kufikia mita inayopima kiwango cha sauti
- Ruhusu kupima kelele.
Kipimo:
- Elezea kipimo kwa njia rafiki kwa watoto
- Fanya kipimo kwa Hz 1000, 2000, 4000 na 500 kwenye sikiola mtoto linalosikia vizuri zaidi au sikio la upande wa kulia.
- Rekodi sauti ya chini kabisa ambayo mtoto anaweza kusikia kwa kila masafa
- Rudia kipimo kwenye sikio lingine.
Pima kujiamini
Unapofanya upimaji wa usikivu, zingatia jinsi unavyojiamini kuhusu matokeo ya mtihani.
Unaweza kujiamini kama mtoto:
- Anajibu kila wakati sauti zinapowasilishwa
- Kiwango chake cha chini cha kusikia sauti kwa kila masafa kinatambuliwa.
Unaweza kujiamini kwa kiasi kidogo au kutokujiamini ikiwa mtoto:
- Anajibu kiholela kuhusu sauti zinazowasilishwa
- Anajibu bila hata kama hakuna sauti inayowasilishwa
- Anajibu tu pale anapoona mpimaji anasogea.
Kama unajiamini wakati kipimo kinaendelea
Ikiwa bado hujiamini kufanya kipimo hata baada ya kujadiliana na mshauri wako mpe rufaa mhusika kwenda kuonana na mtaalamu wa masikio na usikivu.
Onyo
Matokeo sahihi ya mtihani ni muhimu kwa upangaji sahihi wa Vifaa saidizi vya usikivu.
4. Kokotoa kiwango cha wastani cha kusikia
- Tafuta wastani dB wastani kwa kujumlisha viwango vya chini kabisa vya sauti ambavyo vinaweza kusikika vyenye thamani ya Hz 500 , Hz 1000 , Hz 2000 , na 4000 Hz kisha ugawanye kwa nne.
- Linganisha Wastani wa kiwango cha chini kabisa ambacho sikio la kulia na kushoto yanaweza kusikia:
- Pungufu ya dB 15 Endelea
- Tofauti ya dB 15 Toa rufaa kwenda kuonana na mtaalamu wa masikio na usikivu.
Kwa watoto waliopoteza usikivu kwa upande mmoja (kupotea kwa usikivu wa upande mmoja) au wale waliopoteza usikivu usio na usawa (vizingiti vya wastani vya kulia na kushoto tofauti na zaidi ya dB 15), mahitaji yao ni makubwa zaidi. Mpe rufaa kwenda kuonana na mtaalamu wa masikio na usikivu.
Maelekezo
Jibu maswali yafuatayo ili kupima maarifa yako kutoka kwa moduli ya Vifaa saidizi vya usikivu vilivyosetiwa tayari TAP.
Swali
Kutana na Anju
Anju ana umri wa miaka sita na anaenda shuleni.
Anju amepata matibabu ya maambukizi ya sikio. Anarudi na wazazi wake katika kituo cha afya cha eneo hilo kwa ajili ya kupima Afya ya masikio na kupima kusikia.
Mhudumu wa afya anapima afya ya masikio. Masikio yake yote mawili yana afya bora. Wanaendelea na upimaji wa usikivu. Anju anajibu kwa ujasiri wakati wa upimaji wa usikivu.
Angalia kiwango chake cha mwisho anachoweza kusikia kwa kila masafa.
| Upande | Hz 500 | Hz 1000 | Hz 2000 | Hz 4000 |
| Kulia | 15 | 10 | 20 | 10 |
| Kushoto | 10 | 10 | 15 | 15 |
1. Je, ni wastani gani sahihi wa kiwango cha kusikia kwa sikio la kulia la Anju?
Jibu sahihi ni dB 13.75 dB !
Ni wastani unaopatikana kwa kujumlisha nambari zote na kuzigawanya kwa nne.
2. Je, ni kiwango gani sahihi cha wastani ambao anaweza kusikia kwa sikio la kushoto la Anju?
Jibu sahihi ni dB 12.50 dB!
Ni wastani unaopatikana kwa kujumlisha nambari zote na kuzigawanya kwa nne.
3. Je, Anju ana tofauti ya chini ya 15 dB kati ya sikio lake la kulia na la kushoto?
Chagua jibu moja.
Jibu sahihi ni "Ndiyo"!
Tofauti ni chini ya dB 15 . Unaweza kuendelea.
Angalia Jedwali la viwango vya Kupoteza usikivu kwenye fomu ya tathmini au hapa chini.
| Daraja | Wastani |
| Ndani ya kiwango cha kawaida | Wastani wa chini ya dB 20 |
| Kupoteza kusikia kwa kiwango kidogo | Wastani wa 20-34 dB |
| Kupoteza usikivu kwa kiwango cha wastani | Wastani wa 35-49 dB |
| Kupoteza usikivu kwa kiwango kikubwa hadi cha wastani | Wastani wa 50-64 dB |
| Kupotea kwa usikivu kwa kiwango kikubwa | Wastani wa 65-79 dB |
| Kupotea kwa usikivu kwa kiwango kikubwa zaidi | Wastani wa zaidi ya 80 dB |
4. Je, sikio la kulia la Anju limepoteza usikivu kwa kiwango gani ?
Chagua jibu moja.
Kiwango cha kawaida cha kusikia ni sahihi!
Kiwango cha kawaida cha kusikia ni dB 13.75.
5. Je, sikio la kushoto la Anju limepoteza usikivu kwa kiwango gani ?
Chagua jibu moja.
Kiwango cha kawaida cha kusikia ni sahihi!
Kiwango cha kawaida cha kusikia ni dB 12.50.
5. Rekodi matokeo kwa kila sikio
- Andika wastani wa viwango vya kusikia kwenye sehemu ya kipimo cha usikivu katika fomu
- Rekodi kujiamini kwako katika kufanya kipimo
- Rekodi kiwango cha kusikia kwa sikio la upande wa kulia na la upande wa kushoto.
Fuata hatua iliyopendekezwa kwa kulingana na kiwango cha upotevu wa usikivu kinachopatikana katika jedwali la kiwango cha upotezaji wa usikivu .
Eleza matokeo ya kipimo
Baada ya kukamilisha Kipimo cha usikivu na kuanisha kiwango cha kupotea kwa usikivu, eleza matokeo na iwapo mtoto anaweza kufaidika na Vifaa saidizi vya usikivu.
Unamkumbuka Anju?
Unaeleza matokeo ya Kipimo cha usikivu cha Anju kwa Anju na wazazi wake. Kusikia kwa Anju ni kawaida. Yeye hahitaji Vifaa saidizi vya usikivu.