TAP პროდუქტების მოდულები მოიცავს გადაადგილებისათვის მარტივ დამხმარე პროდუქტებს, რომლების უსაფრთხო მიწოდება შეიძლება საზოგადოების წევრებისთვის.
გაეცანით შემდეგ სექციებს ამ პროდუქტების შესახებ მეტი ინფორმაციის მისაღებად.
დამხმარე საშუალებები სიარულისათვის
გადასაადგილებელი დამხმარე საშუალებები ეხმარება პირს ადგომაში, დაჯდომასა და სიარულში.
სხვადასხვა სახის დამხმარე საშუალება პირის სხვადასხვა საჭიროებას ერგება.
ზოგიერთი გავრცელებული საშუალების მაგალითია:
- ხელჯოხები
- იდაყვის ყავარჯნები
- იღლიის ყავარჯნები
- გადასაადგილებელი ჩარჩოები
- როლატორები
გადასაადგილებელი დამხმარე საშუალებები შეიძლება სასარგებლო იყოს მათთვის, ვისაც:
- შეუძლია სიარული, მაგრამ დამატებითი მხარდაჭერა სჭირდება უსაფრთხოდ ახლო ან შორ მანძილზე გადასაადგილებლად.
- შეუძლია წონის გადატანა მხოლოდ ერთ ფეხზე, მაგალითად, პირს, რომელსაც ქვედა კიდური ამპუტირებული ან დაზიანებული აქვს.
გადასაადგილებელი დამხმარე საშუალებებისა და მათი მიწოდების შესახებ ინფორმაციის მისაღებად, დაასრულეთ TAP-ის გადაასაადგილებელი დამხმარე საშუალებების მოდული.
პორტატული პანდუსები
პორტატული პანდუსები არის პანდუსები, რომლებიც არ არის დამაგრებული ადგილზე. მათი გადაადგილება შესაძლებელია პირის საჭიროების მიხედვით.
პორტატული პანდუსები შეიძლება სასარგებლო იყოს მათთვის, ვინც:
- სარგებლობს ეტლით, როლატორით ან სიარულში დამხმარე ჩარჩოთი
- საჭიროებს წვდომას სივრცეზე კიბეების მცირე რაოდენობით და
- საკმარის ძალას ფლობს პორტატული პანდუსის ასაწევად, ან ამისათვის დამხმარე პირი ჰყავს.
გახსოვთ მათიასი?
მატიასი გადასაადგილებლად სარგებლობს როლატორით. როცა ის და მისი ცოლი შვილს სტუმრობენ, თან პორტატული პანდუსი მიაქვთ. პანდუსი მათიასს საშუალებას აძლევს შევიდეს შვილის სახლში, კარის წინ მდებარე სამი პატარა საფეხურის გადალახვით.
პორტატული პანდუსებისა და მათი მიწოდების შესახებ დამატებითი ინფორმაციის მისაღებად, დაასრულეთ TAP-ის პორტატული პანდუსების მოდული.
სახელურები
სახელურები ხელს უწყობს სისუსტის ან დარღვეული ბალანსის მქონე პირებს ერთი პოზიციიდან მეორეზე უსაფრთხოდ გადასვლაში.
სახელურები შეიძლება სასარგებლო იყოს მათთვის, ვისაც:
- ესაჭიროება დამატებითი მხარდაჭერა საძინებელში, საერთო სივრცეებში, აბაზანაში, ტუალეტში ან კიბეებზე გადაადგილებაში.
- შეუძლია ერთი ან ორივე ხელით ჩაჭიდება.
სახელურებისა და მათი მიწოდების შესახებ დამატებითი ინფორმაციის მისაღებად, დაასრულეთ TAP-ის მოდული.
გახსოვთ დავიდი და მისი ცოლი ლეიტანგი?
დევიდს სისუსტე აქვს და მოვლაში ლეიტანგიზეა დამოკიდებული. საწოლიდან წამოსაჯდომად და დასაწოლად, დევიდს დამონტაჟებული აქვს სახელური. ახლა მას შეუძლია უსაფრთხოდ წამოჯდეს ლეიტანგის დახმარების გარეშე.
გახსოვთ კალი?
იგი სიარულში დამხმარე ჩარჩოს იყენებს, მაგრამ საშხაპეში კალის აგრეთვე სახელური აქვს დამონტაბოჟებული. საშხაპეში შესვლისას და გამოსვლისას ის ხელით ეჭიდება სახელურს, რაც წონასწორობის შენარჩუნებაში ეხმარება.
გადასაყვანი დაფები
გადაყვანა ეწოდება ერთი ადგილიდან მეორეზე სხეულის გადაადგილებას.
გადასაყვანი დაფები პირს ეხმარება ერთი ადგილიდან მეორეზე გადაადგილებაში.
გადასაყვანი დაფები შეიძლება სასარგებლო იყოს მათთვის, ვისაც:
- უჭირს ფეხზე დგომა ან წონის გადატანა ერთი ფეხიდან მეორეზე
- ესაჭიროება სხვა პირის დახმარება ერთი ადგილიდან მეორეზე გადასასვლელად.
გადასაყვანი დაფებისა და მათი მიწოდების შესახებ დამატებითი ინფორმაციის მისაღებად, დაასრულეთ TAP-ის გადასაყვანი დაფების მოდული.
თერაპიული ფეხსაცმელი
სამკურნალო ფეხსაცმელი არის სპეციალური მახასიათებლების მქონე ფეხსაცმელი, რომელიც ხელს უწყობს ჭრილობის განვითარების რისკის ქვეშ მყოფი ტერფების დაცვას და მხარდაჭერას.
სამკურნალო ფეხსაცმლისა და მათი მიწოდების შესახებ დამატებითი ინფორმაციისთვის, დსაასრულეთ TAP-ის სამკურნალო ფეხსაცმლის მოდული.