გადაადგილებისათვის ზოგიერთი დამხმარე საშუალების მიწოდება უნდა მოხდეს სპეციალიზებული სწავლებისა და აღჭურვილობის მქონე მიმწოდებლის მიერ. ეს საშუალებები არ განიხილება TAP-ის ფარგლებში.
წაიკითხეთ შემდეგ თავები, რათა გაეცნოთ გადაადგილებისათვის დამხმარე საშუალებებს, რომლებიც არ განიხილება TAP-ის მიერ.
ზოგიერთი ამ საშუალების სასწავლო კურსებისა და რესურსების შესახებ ინფორმაცია შეგიძლიათ იხილოთ ამ მოდულის ბოლოს.
ეტლები
ეტლი უზრუნველყოფს ბორბლებით გადაადგილებას და მჯდომიარე პოზიციაში იმ პირის მხარდაჭერას, რომელსაც არ შეუძლია სიარული ან სიარული უჭირს.
სხვადასხვა ტიპის ეტლი მორგებულია სხვადასხვა საჭიროების მქონე პირზე.
ეტლის მიწოდება მუდამ ბალიშით უნდა მოხდეს.
ეტლებისა და მათი მიწოდების შესახებ დამატებითი ინფორმაციისთვის იხილეთ WHO-ს ეტლის სერვისის სასწავლო პაკეტი.
ქვედა კიდურების პროთეზები
ქვედა კიდურის პროთეზი ცვლის ადამიანის ტერფის ან ფეხის ნაკლულ ნაწილს.
პროთეზი მუდამ კვალიფიციური პროთეზისტის მიერ კონკრეტული პირისთვის უნდა დამზადდეს.
ყველას არ შეუძლია პროთეზის გამოყენება. პროთეზისტი ინდივიდუალურად მუშაობს პირთან და აფასებს, შეძლებს თუ არა იგი პროთეზის გამოყენებას.
პროთეზით მოსარგებლე ადამიანები ხშირად იყენებენ გადაადგილების სხვა დამხმარე საშუალებებსაც.
გახსოვთ ასიფი?
ასიფს მარჯვენა მუხლის ქვემოთ კიდურის ნაწილის ამპუტაცია აქვს. იგი მუხლის ქვემოთ პროთეზით სარგებლობს და დამატებით ორ ხელჯოხს წონასწორობის შესანარჩუნებლად.
როდესაც ასიფი პროთეზს არ იყენებს, გადაადგილებისას ის იდაყვის ყავარჯნებით სარგებლობს.
ქვედა კიდურის ორთეზი
ქვედა კიდურის ორთეზი არის სამაგრი ან არტაშანი, რომელიც პირის ტერფს ან ფეხს ამაგრებს. მას შეუძლია ტკივილის შემცირება, მოძრაობაში დახმარება ან არასასურველი მოძრაობის შეჩერება.
ქვედა კიდურების სხვადასხვა ტიპის ორთეზი შეესაბამება სხვადასხვა პირის საჭიროებებს. ორთეზის მიწოდება ხდება რეაბილიტაციის ან პროთეზისა და ორთეზის სერვისის მიერ.
შებრუნებული მოძრავი საყრდენი ჩარჩო
შებრუნებული მოძრავი საყრდენი ჩარჩო ხელს უწყობს სიარულში ცერებრული დამბლის მქონე ბავშვებს. ის ხშირად გამოიყენება სხვა დამხმარე საშუალებებთან ერთად, როგორიცაა ტერფის ან კოჭის ორთეზი.
გახსოვთ ელაიშა?
ალიშას ცერებრული დამბლა აქვს და მოძრაობის კოორდინაცია და კონტროლი უჭირს. სიარულში დასახმარებლად ის შებრუნებულ მოძრავ საყრდენ ჩარჩოს და კოჭის ორთეზებს იყენებს.
ჩარჩო ფეხზე დგომისთვის და დამხმარე საშუალებები მწოლიარეთათვის
ჩარჩოები ფეხზე დგომისთვის და დამხმარე საშუალებები მწოლიარეთათვის ხელს უწყობს ჯანმრთელობის გართულებების თავიდან აცილებას ბავშვებსა და მოზრდილებში, რომლებსაც უჭირთ წოლა და დგომა მხარდაჭერის გარეშე.
ჩარჩოები ფეხზე დგომისთვის და დამხმარე საშუალებები მწოლიარეთათვის, როგორც წესი, პირს მიეწოდება სარეაბილიტაციო ზრუნვის ფარგლებში.