പദ്ധതി (റഫറൽ ഉൾപ്പെടെ)

പ്രവർത്തനങ്ങള്‍

ദായിയെ പരിചയപ്പെടാം

65 വയസ്സുള്ള ദായി അടുത്തിടെ ഒരു റോഡപകടത്തിൽ പെട്ടിരുന്നു. കാൽമുട്ടിന് താഴെവച്ച് മുറിച്ചുമാറ്റപ്പെടുകയും ഇടുപ്പിന് തകരാര്‍ സംഭവിക്കുകയും ചെയ്തു. അദ്ദേഹത്തിന് ഇതുവരെ ഒരു കൃത്രിമ കാൽ ഇല്ല, കൂടാതെ സഞ്ചരിക്കുവാനായി അദ്ദേഹം താങ്ങുവടികള്‍ ഉപയോഗിക്കുന്നു.

ഒരു വിലയിരുത്തൽ അഭിമുഖത്തിനിടയില്‍, തനിക്ക് വീട്ടിലെ പൊതു ശുചിമുറിയില്‍ പോകാന്‍ കഴിയുമെന്ന് ദായി നിങ്ങളോട് പറയുന്നു. വീട്ടില്‍, നിലത്ത് കുത്തിയിരുന്ന് ഉപയോഗിക്കാന്‍ കഴിയുന്ന ഒരു ശുചി മുറി ഉണ്ട്, അതില്‍ അയാള്‍ക്ക് ഇരിക്കാൻ കഴിയില്ല. നിൽക്കുന്നത് വേദനാജനകവും ബുദ്ധിമുട്ടുള്ളതുമാണ്.

ദായിക്ക് സമ്മര്‍ദ്ദ മുറിവിന്‍റെ ലക്ഷണങ്ങളൊന്നുമില്ല, കൂടാതെ സമ്മർദ്ദ മുറിവ് ഉണ്ടാകാനുള്ള സാധ്യതയുമില്ല.

1. ഒരു ശുചിമുറിക്കസേര കൊണ്ട് ദായിക്ക് പ്രയോജനമുണ്ടാകുമോ?

2. കുളിമുറിക്കസേര കൊണ്ട് ദായിക്ക് പ്രയോജനമുണ്ടാകുമോ?

3. ശുചിമുറിക്കസേരയുടേയും കുളിമുറിക്കസേരയുടെയും എന്ത് എന്ത് സവിശേഷതകളാണ് ദായിക്ക് ഉപയോഗപ്രദമാകുമെന്ന് നിങ്ങൾ കരുതുന്നത് എന്ന് പരിശോധിക്കുക.

പ്രവർത്തനങ്ങള്‍

ലോലയെ പരിചയപ്പെടാം

30 വയസ്സുള്ള ലോലയ്ക്ക് ശുചിമുറിയില്‍ പോകുവാന്‍ ബുദ്ധിമുട്ടുണ്ട്. എപ്പോൾ പോകണമെന്ന് മനസിലാക്കാന്‍ അവള്‍ക്ക് സാധിക്കുന്നില്ല, കൂടാതെ അവള്‍ നിയന്ത്രണമില്ലാതെ മല മൂത്ര വിസര്‍ജനം ചെയ്യുവാന്‍ തുടങ്ങി. ഒരാഴ്ച മുമ്പാണ് ഈ പ്രശ് നങ്ങള്‍ തുടങ്ങുന്നത്. അതിനുമുമ്പ് അവൾക്ക് ഒരു ബുദ്ധിമുട്ടും ഉണ്ടായിരുന്നില്ല, നല്ല ആരോഗ്യവുമുണ്ടായിരുന്നു.

എന്ത് നടപടിയാണ് നിങ്ങള്‍ സ്വീകരിക്കുക?