Идоракунии фаъолиятҳои худнигоҳубинӣ
Кӯдак, калонсолон ё пиронсоле, ки душворӣ дорад бо:
- Маҳоратҳои ҷисмонӣ
- Маҳоратҳои андешаронӣ
- Идоракунии пешобдон ва рӯда
шояд дар як ё якчанд самтҳои худнигоҳубинӣ мушкилӣ дошта бошад.
Биёед бо баъзе шахсоне шинос шавем, ки дар худнигоҳубинӣ мушкилӣ доранд.
Бо Ронин шинос шавед
Ронин марди ҷавонест, ки ба қарибӣ бо садама дучор шуд. Дасту пои чапаш шикастаанд. То шифо ёфтани устухонҳо, ӯ наметавонад рӯи пояш вазн гузорад ё дасташро истифода барад.
То шифо ёфтани устухонҳояш, ӯ барои рафтан ба ҳоҷатхона, гирифтани душ ва пӯшидани лоибос ба кумак ниёз дорад.
Савол
Мушкилоти Ронин дар худнигоҳубинӣ доимӣ аст ё муваққатӣ?
Муваққатӣ, зеро пас аз шифо ёфтани ҷароҳатҳо ӯ метавонад дубора озодона ҳаракат кунад.
Бо Самуэл шинос шавед
Самуэл як навраси гирифтори синдроми Даун аст. Ба ӯ ҳамоҳанг кардани ҳаракатҳои ангуштони худ барои корҳое, ба монанди бастани тугмаҳо ва бандакҳои пойафзолаш душвор аст. Дар дарси навбатӣ хоҳед фаҳмид, ки Самуэл аз кадом маҳсулоти ёрирасон барои худнигоҳубинӣ ҷиҳати иҷрои ин вазифаҳо истифода мебарад.
Самуэл инчунин корҳои вобаста ба худнигоҳубиниро на ҳамеша дар хотир дорад. Ӯ дар хона аз лавҳаи сафед ва барномаи телефони мобилӣ барои дар хотир доштани корҳо истифода мебарад.
Савол
Самуэл лавҳаи сафедро барои чӣ истифода мебарад?
Самуэл лавҳаи сафедро барои дар хотир доштани корҳо истифода мебарад.
Бо Аида шинос шавед
Аида сактаи мағзи сар дошт. Ин боиси заифии тарафи чапи баданаш шудааст.
Ба ӯ роҳ рафтан, нигоҳ доштани мувозинат ва истифода бурдани дасти чапаш душвор аст. Вай барои ҳаракат кардан аз асо истифода мебарад.
Аида эҳсос карда метавонад, ки кай ба ҳоҷатхона рафтан лозим аст. Бо вуҷуди ин, барояш ба зудӣ ба ҳоҷатхона рафтан душвор аст. Барои шистан ба рӯи унитаз ва аз он ҷо хестан, ба кумак ниёз дорад. Инчунин душ гирифтан ва либоспӯшӣ барояш душвор аст. Духтараш дар аксари корҳои худнигоҳубинӣ ба ӯ кумак мекунад.
Савол
Чаро барои Аида ба ҳоҷатхона рафтан душвор аст?
Барои Аида ба ҳоҷатхона рафтан душвор аст, зеро дар роҳ рафтан мушкилӣ мекашад. Вай бо ҳаракатнокӣ душворӣ дорад.
Ҷенсенро дар хотир доред?
Ҷенсен 60 сола аст ва гирифтори диабети қанд мебошад. Ҷенсен ба пуррагӣ панҷаҳои пояшро ҳисс намекунад ва аз асо истифода мебарад.
Ӯ сигналҳои баданро барои рафтан ба ҳоҷатхона ҳис намекунад, дар наздики бо ихроҷи пешоб дучор шудааст ва баъзан ҳис мекунад, ки рӯдааш пурра холӣ нашудааст.
Барои Ҷенсен инчунин ҳангоми либоспӯшӣ бастани занҷирак ва тугмаҳоро душворанд. Дар дарси навбатӣ дар мавриди маҳсулоти ёрирасоне, ки барои худнигоҳубинӣ кумак мекунанд, маълумот гиред.
Савол
Чаро Ҷенсон наметавонад ба таври муваффақ ба ҳоҷатхона равад?
Ҷенсон бо сигналҳои бадан дар мавриди рафтан ба ҳоҷатхона душворӣ мекашад. Вай инчунин дар пурра холӣ кардани рӯдаҳо мушкилӣ дорад.
Мушкилот бо худнигоҳубинӣ метавонанд барои одамон душвориҳои зиёд эҷод кунанд.
Мусоҳиба
Бо ҳамкорон сӯҳбат кунед ё дар форуми мусоҳиба гузоред, ки мушкилот бо нигоҳубини худ метавонад ба ҳаёти инсон таъсир расонад.
Дар зер баъзе аз таъсироти умумӣ оварда шудаанд, аммо эҳтимолан дигар таъсирот низ вуҷуд доранд, аз ҷумла баъзе аз онҳо махсусан бо одамони ҷомеаи шумо рабт доранд.
Таъсироти мушкилот бо худнигоҳубинӣ:
- Баъзе одамон барои ба кумак ниёз доштан шарм медоранд.
- Барои анҷом додани корҳо барои шахс ва наздиконе, ки кумак мерасонанд, вақти зиёдтар лозим аст, бинобар ин барои дигар корҳо вақт камтар мешавад.
- Баъзе одамон ҳангоми рух додани беихтиёрии пешоб ва наҷосат метавонанд шарм ва хиҷолатро эҳсос кунанд.
- Баъзе одамон дар ниҳоят гӯшанишин ва канорагир мешаванд. Онхо дар мактаб, шуғл, хаёти чамъиятй иштирок карда наметавонанд.
- Барои шахсон ва оилаҳои онҳо аз сабаби зарурати харидани маҳсулоти иловагӣ, аз даст додани даромад бинобар сабаби надоштани қобилияти кор кардан ё камтар кор кардани аъзои оила бинобар сабаби дастгирии онҳо, хароҷот эҷод мешавад.
То ҳадди имкон осон кардани худнигоҳубинӣ барои сифати зиндагии одамон муҳим аст.
Барои дидани се роҳи асосӣ, ки худнигоҳубиниро осонтар мекунад, хонед.
1. Маҳсулоти ёрирасон барои худнигоҳубинро истифода баред
Маҳсулоти ёрирасон барои худнигоҳубинӣ метавонад худнигоҳубиниро барои шахс, аъзоёни оила ё парасторон осонтар кунад.
Дар бораи баъзе намудҳои гуногуни маҳсулоти ёрирасон барои худнигоҳубинӣ дар дарси оянда маълумот хоҳед гирифт.
2. Муҳити зистро мутобиқ созед
Питерро дар хотир доред?
Сутунмуҳраи Питер осеб дидааст ва ӯ аз камараш поён фалаҷ шудааст (ҳаракат карда наметавонад). Вай дастҳои бақувват ва мувозинати хуб дар қисми болои бадан дорад. Ӯ метавонад бо истифода аз аробачаи маъюбӣ мустақилона ҳаракат кунад.
Питер роҳи ҳамвор ва пандус ба тарафи ҳаммоми худ дорад, то аз ҳаммом мустақилона истифода бурда тавонад.
Дар ба андозаи кофӣ барои аробачаи маъюбӣ васеъ аст ва фазои кофӣ барои тоб хурдан дар дохили он вуҷуд дорад.
3. Тағйир додани тарзи худнигоҳубинӣ
Бо Алейша шинос шавед.
Алейша фалаҷи мағзи сар дорад ва барояш ҳамоҳангсозӣ ва назорати ҳаракатҳо душвор аст. Ӯ барои ҳаракат кардан аз гомёри пуштӣ истифода мебарад.
Алейша ба қадри имкон худнигоҳубиниашро анҷом медиҳад. Агар ниёз бошад, аз модараш кумак мегирад.
Вай барои пӯшидан дар курсӣ менишинад ва курсии дигаре, ки ба ӯ наздик аст, либосҳояш барои дастрасии осон гузошта шудаанд. Вай инчунин аз либосҳое истифода мебарад, ки ба осонӣ кашида ва пӯшида мешаванд.
Шумо дарси якумро ба анҷом расондед!
Агар шумо ягон савол ё шарҳ дошта бошед, онҳоро дар форуми мусоҳибавӣ гузоред.