വിലയിരുത്തല്‍ പ്രക്രിയ

ശാരീരികമായ കഴിവുകൾ

ശാരീരികമായ കഴിവുകള്‍ കാരണം ആളുകൾക്ക് ബുദ്ധിമുട്ടുണ്ടാകാം.

ഇനിപ്പറയുന്ന ആളുകൾക്ക് ഒരു ശുചിമുറി അല്ലെങ്കിൽ കുളിമുറിക്കസേര സഹായകരമാകും:

• ശുചിമുറിയിലേക്കോ കഴുകുന്ന സ്ഥലത്തേക്കോ പോകുവാന്‍ ശാരീരികമായി ബുദ്ധിമുട്ടാണ്
• ഇരിക്കാനും കുത്തിയിരിക്കാനും അല്ലെങ്കിൽ എഴുന്നേൽക്കാനും ബുദ്ധിമുട്ട്
• ബലക്കുറവുള്ളവര്‍ അല്ലെങ്കിൽ മുന്‍ വർഷങ്ങളില്‍ ഒന്നിലധികം തവണ വീണവർ, അല്ലെങ്കിൽ വീഴുമെന്ന് ഭയപ്പെടുന്നവര്‍
• നിൽക്കുവാന്‍ കഴിയില്ല അല്ലെങ്കിൽ നിൽക്കുവാന്‍ ബുദ്ധിമുട്ടുണ്ട്
• വൃത്തിയാക്കുന്ന സമയങ്ങളില്‍ ക്ഷീണമോ തലകറക്കമോ ഉണ്ടാകുന്നു.

ശുചിമുറിയില്‍ പോകുന്നതിനോ വൃത്തിയാക്കുന്നതിനോ മറ്റു ശാരീരികമായ ബുദ്ധിമുട്ടുകൾ ഉള്ള വ്യക്തിക്ക് ശുചിമുറി അല്ലെങ്കിൽ കുളിമുറിക്കസേര പരിഹാരമായിരിക്കില്ല.

വസ്ത്രധാരണത്തിലുള്ള ബുദ്ധിമുട്ട്

വസ്ത്രം ധരിക്കാനും അഴിക്കാനും ബുദ്ധിമുട്ടുള്ള ഒരു വ്യക്തിക്ക് അവരുടെ വസ്ത്രങ്ങൾ വേണ്ടത്ര വേഗത്തിൽ നീക്കം ചെയ്യാൻ കഴിയാത്തതിനാൽ ശുചിമുറിയില്‍ പോകുന്നത് ബുദ്ധിമുട്ടാകാറുണ്ട്.

വൃത്തിയാക്കല്‍ കൂടുതൽ ബുദ്ധിമുട്ടുള്ളതും കൂടുതൽ സമയമെടുക്കുന്നതുമാണ്.

ഇനിപ്പറയുന്നവയിൽ നിന്ന് അവർക്ക് പ്രയോജനം ലഭിച്ചേക്കാം:

• വസ്ത്രധാരണ സഹായികള്‍
• എളുപ്പത്തില്‍ ധരിക്കാനും അഴിക്കാനും കഴിയുന്ന തരം വസ്ത്രങ്ങൾ
• വസ്ത്രം ധരിക്കുവാനുള്ള വ്യത്യസ്തമായ രീതികള്‍ പഠിക്കാൻ സഹായിക്കുക
• മറ്റൊരാളുടെ സഹായം തേടുക.

മല മൂത്ര വിസർജ്ജനത്തിനുള്ള ബുദ്ധിമുട്ട് (പേശീ നിയന്ത്രണമില്ലായ്മ)

ഒരു വ്യക്തിക്ക് അവരുടെ മലവിസർജ്ജനമോ മൂത്രസഞ്ചിയോ ശൂന്യമാക്കാൻ ബുദ്ധിമുട്ടുണ്ടെങ്കിൽ, അവർ (അടുത്തിടെ) ഇതിനെക്കുറിച്ച് ഒരു ആരോഗ്യ പരിപാലന വിദഗ്ദ്ധനെ കണ്ടിട്ടുണ്ടോ എന്ന് ആ വ്യക്തിയിൽ നിന്ന് കണ്ടെത്തുക. ഇല്ലെങ്കിൽ അവ പരാമർശിക്കുക.

ആരോഗ്യ പരിപാലന വിദഗ്ദ്ധൻ പേശീ നിയന്ത്രണമില്ലായ്മയുടെ കാരണം വിലയിരുത്തുകയും നിയന്ത്രണമില്ലായ്മ ചികിത്സിക്കുവാനും നിയന്ത്രിക്കുവാനുമായി വ്യക്തിയുമായി ചേര്‍ന്ന് പ്രവർത്തിക്കുകയും ചെയ്യും.

ഒരു ശുചിമുറിക്കസേര ആവശ്യമായി വരാനുള്ള കാരണം പേശീ നിയന്ത്രണമില്ലായ്മ മാത്രമല്ല.

എന്നിരുന്നാലും, നിയന്ത്രണമില്ലായ്മയുള്ള ചില ആളുകൾക്ക് ഒരു ശുചിമുറിക്കസേര ആവശ്യമായി വന്നേക്കാം. ഇത് അവരുടെ മറ്റു ശാരീരികമായ കഴിവുകളെയും മല മൂത്രവിസര്‍ജ്ജനം അവര്‍ എങ്ങനെ കൈകാര്യം ചെയ്യുന്നു എന്നതിനെയും ആശ്രയിച്ചിരിക്കുന്നു.

അവർക്ക് ബുദ്ധിമുട്ടുകൾ ഉണ്ടെങ്കിൽ ശുചിമുറി അല്ലെങ്കില്‍ കുളിമുറിക്കസേര അവര്‍ക്ക് സഹായകമാകുമോ എന്ന് ചർച്ച ചെയ്യുക.

പിന്തുണയില്ലാതെ നിവർന്ന് ഇരിക്കാൻ കഴിയില്ല

പിന്തുണയില്ലാതെ നിവർന്ന് ഇരിക്കാൻ കഴിയാത്ത കുട്ടിക്കോ മുതിർന്നവര്‍ക്കോ സാധാരണ ഉപയോഗിക്കുന്ന ഒരു ശുചിമുറി അല്ലെങ്കില്‍ കുളിമുറി കസേര ഉപയോഗിക്കാൻ കഴിയില്ല.

ഒരു പരിഷ്കരിച്ച ശുചിമുറി / അല്ലെങ്കിൽ കുളിമുറി ക്കസേര ഉപയോഗിക്കാൻ അവർക്ക് കഴിഞ്ഞേക്കാം.

മറ്റു കാരണങ്ങൾ

ഒരു വ്യക്തിക്ക് ശുചിമുറിയില്‍ പോകുന്നതിനോ / അല്ലെങ്കില്‍ വൃത്തിയാക്കുന്നതിനോ ബുദ്ധിമുട്ടുണ്ടാക്കുന്ന ശാരീരികമോ പാരിസ്ഥിതികമോ അല്ലാത്ത മറ്റു കാരണങ്ങൾ ഉണ്ടായിരിക്കാം.

കാരണങ്ങള്‍ക്കനുസരിച്ച്, ഒരു ശുചിമുറി അല്ലെങ്കിൽ കുളിമുറിക്കസേര ഉപയോഗപ്രദമായിരിക്കാം, അല്ലെങ്കിൽ ഉപയോഗപ്രദമായിരിക്കില്ല.

ഉദാഹരണമായി, ചിന്തിക്കുന്നതും / അല്ലെങ്കിൽ ഓർമിക്കുന്നതും ബുദ്ധിമുട്ടായി തോന്നുന്ന കുട്ടികൾക്കോ മുതിർന്നവർക്കോ ദിവസേനയുള്ള സ്വയം പരിചരണ പ്രവര്‍ത്തനങ്ങള്‍ കൈകാര്യം ചെയ്യുവാന്‍ പ്രയാസം അനുഭവപ്പെടാറുണ്ട്. ശുചിമുറിയില്‍ പോകുമ്പോഴും / അല്ലെങ്കിൽ വൃത്തിയാക്കുമ്പോഴും സുരക്ഷിതമായി ഇരിക്കുവാന്‍ സ്ഥലം നൽകുന്നതിലൂടെ കുളിമുറി അല്ലെങ്കിൽ ശുചിമുറിക്കസേര അവര്‍ക്ക് സഹായകമായേക്കാം.

വ്യക്തിക്ക് ശുചിമുറിയില്‍ പോകുവാനോ വൃത്തിയാക്കുവാനോ പ്രയാസം അനുഭവപ്പെടുന്നതിന്‍റെ കാരണങ്ങൾ കണ്ടെത്തിയ ശേഷം, ഒരു ശുചിമുറി അല്ലെങ്കിൽ കുളിമുറിക്കസേര അവര്‍ക്ക് ഉപയോഗപ്രദമാകുമോ എന്ന് ചർച്ച ചെയ്യുക. അവ ഉപയോഗപ്രദമാകുമെന്ന് നിങ്ങൾ രണ്ടുപേരും കരുതുന്നുണ്ടെങ്കില്‍, വിലയിരുത്തൽ പ്രക്രിയ തുടരുക.

ശുചിമുറി അല്ലെങ്കിൽ കുളിമുറിക്കസേര എങ്ങനെ, എവിടെ ഉപയോഗിക്കും?

ടോയ്ലറ്റ് കമ്മോടിന് മുകളിലായി ഒരു ശുചിമുറിക്കസേര ഉപയോഗിക്കുകയാണെങ്കിൽ, ഇനിപ്പറയുന്നവ പരിശോധിക്കുക:

• ശുചിമുറിയിലേയ്ക്ക് എത്താനും അകത്തേക്ക് പ്രവേശിക്കുവാനും എളുപ്പമാണോ ?(പ്രാപ്യമാണോ)?
• ശുചിമുറിക്കസേര സ്ഥാപിക്കുവാനുള്ള സ്ഥലം ശുചിമുറിയില്‍ ലഭ്യമാണോ?
• ശുചിമുറിക്കസേരയുടെ കാലുകൾ തറനിരപ്പില്‍ കൃത്യമായി ഉറപ്പിക്കുവാന്‍ കഴിയുന്നുണ്ടോ?
• മറ്റുള്ളവർ ഈ ശുചിമുറി ഉപയോഗിക്കുന്നുണ്ടോ? ഉണ്ടെങ്കിൽ, മറ്റുള്ളവർ ഇത് ഉപയോഗിക്കുമ്പോൾ ശുചിമുറിക്കസേര വഴിയിൽ നിന്ന് നീക്കി വയ്ക്കുവാനുള്ള സ്ഥലമുണ്ടോ?

ശുചിമുറിക്കസേര മറ്റൊരു സ്ഥലത്ത് ഉപയോഗിക്കുകയാണെങ്കിൽ, ഇനിപ്പറയുന്നവ ചിന്തിക്കുക:

• സ്വകാര്യതയുള്ള അനുയോജ്യമായ ഇടം
• അവിടെ വ്യക്തിക്കും (സഹായിക്കും) കൈകള്‍ വൃത്തിയാക്കണം
• ആരാണ് ബക്കറ്റ് കാലിയാക്കുകയും വൃത്തിയാക്കുകയും ചെയ്യുക.

ഒരു കുളിമുറിക്കസേരയ്ക്കായി, ആ വ്യക്തി എവിടെയാണ് വസ്ത്രം മാറുന്നത് എന്നതിനെക്കുറിച്ചും ചിന്തിക്കുക.

കഴുകുന്ന സ്ഥലത്ത് നിന്നും അകലെയായി (ഉദാഹരണമായി കിടപ്പുമുറിയിൽ) ഇത് ചെയ്യുന്നതാണ് സൗകര്യമെങ്കില്‍, കുളിമുറിക്കസേര കഴുകുന്ന സ്ഥലത്തേയ്ക്ക് നീക്കേണ്ടതുണ്ട്. ഇതിനായി കസേരയ്ക്ക് ചക്രങ്ങളും ചവിട്ടുപടിയും ആവശ്യമാണ്.

ശുചിമുറി, കുളിമുറിക്കസേരകൾക്കായി, ആ വ്യക്തി അവരുടെ ശുചിമുറി അല്ലെങ്കിൽ കുളിമുറിക്കസേരയില്‍ എങ്ങനെ ഇരിക്കുകയും എഴുന്നേല്‍ക്കുകയും ചെയ്യുമെന്ന് ചിന്തിക്കുക.

ചലന പരിമിതികളുള്ള ആളുകൾക്ക് ഇത് എങ്ങനെ സുരക്ഷിതമായി ചെയ്യാമെന്ന് പഠിക്കുവാനുള്ള ഉപദേശവും അതിനുള്ള പരിശീലനവും ആവശ്യമായി വന്നേക്കാം.

സമർദ്ദ മുറിവുകള്‍ ഉണ്ടാകുവാനുള്ള സാധ്യത പരിശോധിക്കുക

സമർദ്ദ മുറിവുകള്‍ ചർമ്മത്തിലുണ്ടാകുന്ന വിള്ളലുകളാണ്. ഇത് സാധാരണയായി സന്ധികളുള്ള ഭാഗത്താണ് കാണുക.

മിക്ക ശുചിമുറി, കുളിമുറിക്കസേരകൾക്കും കട്ടിയുള്ള പ്രതലമാണുള്ളത്‌. ഇത് വെള്ളത്തെ കൂടുതലായി പ്രതിരോധിക്കുകയും വൃത്തിയാക്കല്‍ കൂടുതല്‍ എളുപ്പമാക്കുകയും ചെയ്യുന്നു.

എന്നിരുന്നാലും, ഒരു വ്യക്തിക്ക് സമർദ്ദ മുറിവ് ഉണ്ടാകുവാനുള്ള സാധ്യതയുണ്ടെങ്കിൽ, കുഷ്യനിട്ട പ്രതലങ്ങളുള്ള ഒരു കസേര തിരഞ്ഞെടുക്കുക. ഇത് സമ്മര്‍ദ മുറിവ് വരുവാനുള്ള സാധ്യത കുറയ്ക്കുവാന്‍ സഹായിക്കും.

ഒരു ശുചിമുറി അല്ലെങ്കില്‍ കുളിമുറിക്കസേരയില്‍ നിന്ന് സമ്മര്‍ദ മുറിവ് ഉണ്ടാകുവാന്‍ സാധ്യതയുള്ള ആളുകളിൽ ഇനിപ്പറയുന്നവര്‍ ഉൾപ്പെടുന്നു:

• നിതംബം, തുടകൾ, പിൻഭാഗം അല്ലെങ്കിൽ കസേരയുമായി സമ്പർക്കത്തില്‍ വരുന്ന മറ്റേതെങ്കിലും ശരീരഭാഗത്ത് സ്പര്‍ശാനുഭൂതി (സെന്‍സേഷന്‍) കുറവായിരിക്കും
• മുന്‍പ് സമ്മര്‍ദ മുറിവ് ഉണ്ടായിട്ടുണ്ട്
• മെലിഞ്ഞവരോ ദുർബലരോ ആണ്
• ശുചിമുറി അല്ലെങ്കില്‍ കുളിമുറിക്കസേരയില്‍ നിന്ന് അവര്‍ക്കു എളുപ്പത്തിൽ മാറി ഇരിക്കാന്‍ കഴിയില്ല.

വിലയിരുത്തൽ വേളയിൽ, എല്ലായ്പ്പോഴും വ്യക്തിക്ക് എന്തെങ്കിലും സമ്മർദ്ദ മുറിവുകൾ ഉണ്ടോ എന്ന് ചോദിക്കുക. ഉണ്ടെങ്കിൽ വ്യക്തിയെ ഒരു ഹെൽത്ത് കെയർ പ്രൊഫഷണലിലേക്ക് റഫർ ചെയ്യുക.

ശുചിമുറിക്കസേരയിലോ കുളിമുറിക്കസേരയിലോ ഇരിക്കുമ്പോൾ സമ്മര്‍ദ മുറിവ് കസേരയുമായി സമ്പർക്കത്തില്‍ വരുന്നുണ്ടെങ്കില്‍, മുറിവ് പൂർണ്ണമായും ഉണങ്ങുന്നതുവരെ ആ വ്യക്തി കസേര ഉപയോഗിക്കുന്നത് ഒഴിവാക്കണം.