စစ်ဆေးအကဲဖြတ်ခြင်း

ရုပ်ပိုင်ဆိုင်ရားစွမ်းရည်များ

လူတို့သည် မိမိတို့၏ရုပ်ပိုင်းဆိုင်ရာစွမ်းရည်ကြောင့် အခက်အခဲကြုံရပေမည်။

အိမ်သာ (သို့)ရေချိုးခန်းသုံးကုလားထိုင်သည် အောက်ပါလူများအတွက် အထောက်အကူဖြစ်နိုင်ဖွယ်ရှိပါသည်။

• အိမ်သာ (သို့)ရေချိုးသည့်နေရာသို့သွားရန် ရုပ်ပိုင်းဆိုင်ရာအရ ခက်ခဲသူ
  
• ဆောင့်ကြောင့်ထိုင်ရန်၊ထိုင်ရန်၊ မတ်တတ်ရပ်ရန် အခက်အခဲရှိသူ
• ချည့်နဲ့သူ(သို့)မနှစ်ကတစ်ကြိမ်ထက်ပို၍ လဲကျဖူးသူ (သို့)လဲကျမည်ကို ကြောက်သူ
• မတ်တတ်ရပ်ရန်ခက်ခဲသူ(သို့)မတ်တပ်မရပ်နိုင်သူ
• ရေချိုးနေစဉ် မောပန်းခြင်း (သို့)မူးဝေခြင်းဖြစ်တတ်သူ

အိမ်သာ (သို့)ရေချိုးရန် ကုလားထိုင်တစ်လုံးသည် အိမ်သာသို့ သွားရန် (သို့)ရေချိးရန် ခက်ခဲစေသော အခြား ရုပ်ပိုင်းဆိုင်ရာ အခက်အခဲများ ရှိနေပါက ဖြေရှင်းချက် မဟုတ်ပါ။

အဝတ်အစားဝတ်ဆင်ရန် အခက်အခဲများ

၀တ်စားဆင်ယင်ရန် အခက်အခဲရှိသူတစ်ဦးသည် ၎င်းတို့၏အဝတ်အစားများကို အမြန်မဖယ်ရှားနိုင်သောကြောင့် အိမ်သာသွားရန်ခက်ခဲနေပါသည်။

သူတို့ကိုယ်တိုင်ရေချိုးခြင်းကလည်း ပို၍ခက်ခဲပြီး အချိန်ပိုကြာပေမည်။

သူတို့သည်ဖော်ပြပါပစ္စည်းများမှ အကျိုးခံစားရနိုင်သည်–

• အဝတ်အစားဝတ်ရန်အကူပစ္စည်းများ
• လွယ်ကူစွာ ဝတ်နိုင်ချွတ်နိုင်သော အထည်များ
• ဝတ်စားဆင်ယင်ပုံအမျိုးမျိုးကို သင်ယူနိုင်အောင်ကူညီပေးခြင်း
• အခြားသူတစ်ဦးထံမှ အကူအညီပေးခြင်း

ဆီးဝမ်းမထိန်းနိုင်ခြင်း

အကယ်၍ လူတစ်ဦးသည်ဝမ်းသွားရန် (သို့) ဆီးသွားရန်အခက်အခဲရှိပါက ကျန်းမာရေးစောင့်ရှောက်မှုကျွမ်းကျင်သူနှင့် (မကြာသေးမီက) ပြသခဲ့သလားကိုမေးကြည့်ပါ။ မဟုတ်ပါကလွှဲပြောင်းပေးပါ။

ကျန်းမာရေး စောင့်ရှောက်မှု ပညာရှင်သည် ဆီးဝမ်းမထိန်းနိုင်သော အကြောင်းရင်းကို စစ်ဆေးအကဲဖြတ်ပြီးကုသရန် (သို့)စီမံခန့်ခွဲရန် လုပ်ဆောင်မည်ဖြစ်သည်။

ဆီး၊ ဝမ်း မထိန်းနိုင်ခြင်းတစ်ခုတည်းကသာ အိမ်သာသုံးကုလားထိုင်လိုအပ်ရန်အကြောင်းပြချက် တစ်ခုမဟုတ်ပါ ။

သို့သော် ဆီးဝမ်းမထိန်းနိုင်သူအချို့သည် အိမ်သာသုံးကုလားထိုင် လိုအပ်ပေမည်။ ယင်းသည် သူတို့၏အခြားရုပ်ပိုင်းဆိုင်ရာစွမ်းရည်များနှင့် ဝမ်းနှင့် ဆီးသွားရန် မည်သို့စီမံသည့်အပေါ် မူတည်သည်။

အိမ်သာ (သို့) ရေချိုးခန်း သုံးကုလားထိုင်ကအခက်အခဲတွေ ကြုံလာရရင် သူတို့ကို ကူညီပေးမှာလား ဆိုတာ ဆွေးနွေးပါ။

အထောက်အပံ့မပါဘဲ မတ်မတ်ထိုင်၍မရခြင်းး

ပံ့ပိုးမှုမရှိဘဲမတ်မတ်မထိုင်နိုင်သော ကလေး (သို့) အရွယ်ရောက်ပြီးသူသည်အိမ်သာ(သို့)ရေချိုးခန်းသုံးကုလားထိုင်ကိုအသုံးမပြုနိုင်ပါ။

သူတို့သည်အထူးပြုလုပ်ထားသော အိမ်သာနှင့်/(သို့) ရေချိုးခန်းသုံးကုလားထိုင်ကို အသုံးပြုနိုင်ကြပေမည်။

အခြားအကြောင်းရင်းများ

လူတစ်ဦးတွင် အိမ်သာသွားရန်နှင့်/(သို့) မိမိကိုယ်ကို ဆေးကြောရန်ရုပ်ပိုင်းဆိုင်ရာအခက်အခဲ(သို့)ပတ်ဝန်းကျင်အပြင်အခြားအကြောင်းရင်းများ ရှိပေမည်။

အကြောင်းရင်းပေါ်မူတည်၍ အိမ်သာ (သို့)ရေချိုခန်းသုံးကုလား ထိုင်သည် အသုံးဝင်နိုင်သည် (သို့)အသုံးမပြုနိုင်ချေ။

ဥပမာအားဖြင့်၊ စဉ်းစားတွေးခေါ်မှုနှင့်/(သို့)မှတ်မိရန်ခက်ခဲသောကလေးများ(သို့)အရွယ်ရောက်ပြီးသူများသည် နေ့စဥ်မိမိကိုယ်ကို ပြုစုစောင့်ရှောက်ရန် ခက်ခဲသည်ကို တွေ့ရှိနိုင်သည်။ ရေချိုးခန်း (သို့)အိမ်သာသုံးကုလားထိုင်သည် အိမ်သာသွားစဉ်နှင့်/(သို့)ရေချိုးသည့်အခါ ထိုင်ရန် ဘေးကင်းသောနေရာတစ်ခုအဖြစ်ကူညီပေးနိုင်သည်။

အိမ်သာ/ရေချိုးခန်းသွားဖို့ အခက်တွေ့နေတဲ့အကြောင်းရင်းတွေကို စူးစမ်းလေ့လာပြီးတဲ့နောက် အိမ်သာ(သို့)ရေချိုးခန်းသုံးကုလားထိုင်က အသုံးဝင်နိုင်မလားဆိုတာ ဆွေးနွေးပါ။ အိမ်သာ (သို့)ရေချိုးခန်းသုံးကုလားထိုင်သည် အသုံးဝင်နိုင်သည်ကိုနှစ်ဦးစလုံး သဘောတူပါက အကဲဖြတ်စစ်ဆေးချက်ကို ဆက်လက်လုပ်ဆောင်ပါ။

အိမ်သာ(သို့)ရေချိုးကုလားထိုင်ကိုဘယ်နေရာမှာဘယ် လိုအသုံးပြုမလဲ

အိမ်သာသုံးကုလားထိုင်ကို အိမ်သာပေါ်မှာ အသုံးပြုမယ်ဆိုလျှင် စစ်ဆေးရန်-

• အိမ်သာသို့အလွယ်တကူဝင်ရောက်နိုင်သလား (လက်လှမ်းမှီ)။
• သန့်စင်ခန်းထဲမှာ အိမ် သာသုံးကုလားထိုင်အံဝင်ခွင်ကျအောင်တပ်ဆင်ဖို့နေရာရှိပါသလား။
• အိမ်သာကုလားထိုင် ခြေထောက်တွေဟာ ကြမ်းပြင်ပေါ် ချထားလို့ ရပါသလား။
• တခြားသူတွေ ဒီအိမ်သာသုံးကြသလား။ သုံးပါက တခြားသူတွေ အိမ်သာသုံးတဲ့အခါ အိမ်သာသုံးကုလားထိုင်ကို ရွှေ့ဖို့ နေရာရှိပါသလား။

အိမ်သာကုလားထိုင်ကို တခြားနေရာမှာ အသုံးပြုမယ်ဆိုလျှင် စဉ်းစားရန်–

• သင့်တော်တဲ့ သီးသန့် နေရာ
• အသုံးပြုသူ(နှင့် ကူညီပေးသူ မည်သူမဆို) လက်ဆေးမည့်နေရာ
• မည်သူကပုံးကိုရှင်းလင်းပြီးသန့်ရှင်းရေး လုပ်ပေးမလဲ။

ရေချိုးရန်သုံးသောကုလားထိုင်သုံးရန်အတွက်ထိုသူသည် အဝတ်အစားလဲမည့်နေရာကို လည်းစဉ်းစားကြည့်ပါ။

ရေချိုးသည့်နေရာနှင့် ဝေးရာ (ဥပမာ အိပ်ခန်း)တွင် လုပ်ရန် ပိုလွယ်ကူပါက ရေချိုးခန်သုံးကုလားထိုင်ဖြင့်ရေချိုးသည့်နေရာကို ရွှေ့ရန် လိုအပ်ပေမည်။ ကုလားထိုင်သည် ဘီးများနှင့် ခြေတင်ခုံများလိုအပ်မည်ဖြစ်သည်။

အိမ်သာနှင့်ရေချိုးရန်သုံးသောကုလားထိုင်များအတွက် ထိုသူသည် အိမ်သာ (သို့)ရေချိုးခန်းသုံးကုလားထိုင်ပေါ် မည်သို့အတက်အဆင်းပြုမည်ကို စဉ်းစားပါ။

သွားလာလှုပ်ရှားမှုအခက်အခဲရှိသူများသည် ၎င်းကို ဘေးကင်းစွာအသုံးပြုနည်းကိုလေ့လာရန် အကြံဉာဏ်နှင့် အလေ့အကျင့် လိုအပ်နိုင်ပါသည်။

ဖိအားအနာများဖြစ်နိုင်ခြေကို စစ်ဆေးပါ

ဖိအားဒဏ်ရာတစ်ခုမှာ အရေပြားပျက်စီးခြင်းဖြစ်သည်။ များသောအားဖြင့် အရိုးနေရာပေါ်တွင် ဖြစ်လေ့ရှိသည်။

အိမ်သာနှင့် ရေချိုးရန်သုံးသောကုလားထိုင်များမှာမာကျောတဲ့ မျက်နှာပြင်တွေ ရှိပါတယ်။ ယင်းကရေကို ပို၍ခံနိုင်စွမ်းရှိစေပြီး သန့်ရှင်းရေးလုပ်ရန် ပို၍လွယ်ကူစေသည်။

သို့သော် လူတစ်ဦးသည် ဖိအားအနာဖြစ်နိုင်ချေရှိလျှင် အခုအခံမျက်နှာပြင်များပါရှိသော ထိုင်ခုံကို ရွေးချယ်ပါ။ ဒါက ဖိအားအနာဖြစ်နိုင်ချေကို လျှော့ချပေးပါလိမ့်မယ်။

အိမ်သာ (သို့)ရေချိုးခန်သုံးကုလားထိုင်မှ ဖိအားအနာရနိုင်ခြေရှိသူများတွင် အောက်ပါတို့ပါဝင်သည်-

• တင်ပါး၊ ပေါင်၊ နောက်ကျော (သို့)ကုလားထိုင်နှင့် ထိတွေ့သည့် အခြားနေရာများတွင် အာရုံခံစားမှု (ခံစားမှု) လျော့ကျသွားခြင်း
• ယခင်က ဖိအားဒဏ်ရာအနာရခဲ့ခြင်း
• ပိန်ပြီးချည့်နဲ့သူ
• အိမ်သာ (သို့)ရေချိုးရန်သုံးသောကုလားထိုင်ပေါ်တွင် မိမိတို့၏ကိုယ်အလေးချိန်ကို အလွယ်တကူပြောင်းလို့မရခြင်း

အကဲဖြတ်ချိန်အတွင်း ဖိအားအနာရှိသလားဆိုတာအမြဲမေးပါ။ရှိတယ်ဆိုရင်  ကျန်းမာရေးစောင့်ရှောက်မှု ကျွမ်းကျင်သူဆီ လွှဲပြောင်းပါ

အိမ်သာ (သို့)ရေချိုးခန်းသုံးကုလားထိုင်ပေါ်ထိုင်နေသည့်အခါ ဖိအားဒဏ်ရာသည် ကုလားထိုင်နှင့် ထိတွေ့နေမည်ဆိုလျှင် ဒဏ်ရာအပြည့်အဝပျောက်သွားသည်အထိ ကုလားထိုင်အသုံးပြုခြင်းကို ရှောင်သင့်သည်။