Худнигоҳубинӣ чист?
Худнигоҳубинӣ маънои нигоҳубини шахсиро дорад. Ин модули TAP ба фаъолиятҳои худнигоҳубинӣ, ки шахс ҳар рӯз барои қонеъ кардани ниёзҳои асосии худ анҷом медиҳад, таваҷҷуҳ мекунад.
Баъзе мисолҳои маъмулии фаъолиятҳои худнигоҳубинӣ инҳоянд:
- Шустани худ
- Ба ҳоҷатхона рафтан
- Пӯшидани либос
- Хӯрдан ва нӯшидан
Барои мустақилона анҷом додани аксари фаъолиятҳои худнигоҳубинӣ, одамон маҳоратҳои ҷисмонӣ, аз қабили ҳаракат, нигоҳ доштани мувозинат, қувват ва ҳамоҳангиро истифода мебаранд.
Одам инчунин ба маҳоратҳои андешаронӣ ниёз дорад, то тавони ба нақша гирифтан ва иҷрои вазифаҳои худнигоҳубиниро дар хотир дошта бошад.
Ҳангоми кор кардан бо касе перомуни масъалаи худнигоҳубинӣ, фаҳмидани маҳоратҳое, ки барои шахс ҷиҳати иҷрои марҳилаҳои гуногуни фаъолият заруранд, муфид аст.
Биёед ба қадам ва маҳоратҳое, ки бо ду фаъолияти худнигоҳубинӣ алоқаманданд, бубинем.
Фаъолият
1. Шустани бадан
Шустани бадан аз кадом қадамҳо иборат аст?
Қадамҳоро бо тартиби дуруст бо рақамгузорӣ аз 1 то 6 ташкил кунед.
Қадамҳое, ки барои шустани бадан алоқаманданд:
- Ба ҷое, ки баданатонро мешӯед, рафтан
- Либос кашидан
- Зери душ истодан, рӯи сурин ё зонуқат нишастан, ба ванна қадам гузоштан ё ба сатил такя кардан
- Собунро гирифтан ва узвҳои баданро шустан
- Хушк кардан
- Либос пӯшидан
Барои иҷрои ин қадамҳо кадом маҳоратҳо истифода мешаванд?
Ҳама маҳоратҳои дар боло зикршуда барои баъзе ё ҳама қадамҳо истифода мешаванд.
2. Пӯшидани либос
Қадамҳои марбут ба либоспӯшӣ:
- Барои пӯшидани либос ба ҷои махсус рафтан
- Интихоб ва ҷобаҷо кардани либос
- Пӯшидани либосҳо, аз ҷумла бастани занҷирак ва тугмаҳо
- Ба канор гузоштани либоси кашидашуда
Барои иҷрои ин қадамҳо кадом маҳоратҳо истифода мешаванд?
Ҳама маҳоратҳои дар боло зикршуда барои баъзе ё ҳама қадамҳо истифода мешаванд.
Хӯрдан ва нӯшидан ду амали дигари худнигоҳубинӣ мебошанд, ки маҳоратҳои ҷисмонӣ ва андешарониро талаб мекунад.
Маҳоратҳои ҷисмонии ҳаракат, нигоҳ доштани мувозинат ва ҳамоҳангсозӣ барои бехатар хӯрдан ва нӯшидан муҳиманд.
Маҳоратҳои ҷисмонӣ ва андешаронӣ ба одамон имкон медиҳад, ки:
- чизҳои мехӯрдагиро ба нақша гиранд ва вақти муқаррарӣ барои хӯрданро дар хотир доранд
- ба ҷои умумии хӯрокхӯрӣ ҳаракат кунанд
- рост шинанд
- хӯрокро ба луқмаҳои хурд пора кунанд ё буранд
- ба даҳони худ маводи ғизоиро оранд (бо ва ё бе зарфҳои хӯрокхӯрӣ)
- хоянд ва фурӯ баранд.
Ба ҳоҷатхона рафтан як фаъолияти дигари худнигоҳубинӣ аст, ки маҳоратҳои ҷисмонӣ ва андешарониро талаб мекунад.
Одамон ниёз доранд ба:
- Маҳоратҳои ҷисмонӣ барои расидан ба ҳоҷатхона ва истифодаи он
- Маҳоратҳои андешаронӣ барои шинохтан ва/ё ба хотир гирифтани, он ки кай ба ҳоҷатхона рафтан лозим аст ва донистани мақсади рафтан ба он ҷо.
Одамон барои пешгирӣ кардани садамаҳо пешобдон ва рӯдаро идора мекунанд.
Барои гирифтани маълумоти бештар дар бораи идоракунии пешобдон ва рӯда хонед.