ലളിതമായ ചലന ക്ഷമതയും ആരോഗ്യപരമായ അപകട സാധ്യതാ പരിശോധനയും

കുട്ടികളിലെ ചലന ക്ഷമത

രണ്ട് വയസ്സാകുമ്പോഴേക്കും മിക്ക കുട്ടികൾക്കും തനിയെ നടക്കാൻ കഴിയും.

രണ്ട് വയസ്സിന് മുകളില്‍ പ്രായമുള്ള ഒരു കുട്ടി ഇതുവരെ നടന്നിട്ടില്ലെങ്കിൽ, ഒരു ആരോഗ്യ വിദഗ്ദ്ധനെയോ പുനരധിവാസ വിദഗ്ദ്ധന്‍റെയോ സേവനത്തിനായി റഫര്‍ ചെയ്യുന്നതിനെക്കുറിച്ച് ചർച്ച ചെയ്യുക.

നേരത്തെയുള്ള റഫറൽ ഒരു കുട്ടിയുടെ കഴിവുകൾ വികസിപ്പിക്കാനുള്ള മികച്ച അവസരമാണ്.

വീഴ്ച്ചയുടെ അപകട സാധ്യത

വ്യക്തിക്ക് സംതുലനവസ്ഥ പാലിക്കുന്നതില്‍ പ്രശ്നങ്ങളുണ്ടെങ്കില്‍, വീഴുന്നതിനെക്കുറിച്ച് അവർ ആശങ്കപ്പെട്ടേക്കാം.

വീഴ്ച്ച അപകടകരമാണ്, പ്രത്യേകിച്ചും പ്രായമായവർക്ക്. അവർക്ക് വീഴ്ച്ചയില്‍ പരിക്കേൽക്കാനും സുഖം പ്രാപിക്കാൻ കൂടുതൽ സമയമെടുക്കാനും സാധ്യതയുണ്ട്.

കാഴ്ച്ച, കേള്‍വി എന്നിവയിലെ ബുദ്ധിമുട്ട്, ചിന്തിക്കുന്നതിനും ഓര്‍മ്മിക്കുന്നത്തിനുമുള്ള ബുദ്ധിമുട്ട്, ആരോഗ്യം ക്ഷയിച്ച് ശരീരം ദുര്‍ബലമാകുന്ന അവസ്ഥ, ശരീരത്തിന്‍റെ തുലനാവസ്ഥ നഷ്ടപ്പെടല്‍ തുടങ്ങിയ പ്രശ്നങ്ങൾ വീഴാനുള്ള സാധ്യത വർദ്ധിപ്പിക്കും.

പ്രായമായ ഒരു വ്യക്തി കഴിഞ്ഞ 12 മാസത്തിനുള്ളിൽ Non-breaking space
ഒന്നിലധികം തവണ വീണിട്ടുണ്ടെങ്കിൽ, അവർ വീണ്ടും വീഴാനുള്ള സാധ്യതയുണ്ട്. 

ഒരു ചലന സഹായക ഉപകരണം അല്ലെങ്കിൽ മറ്റ് സഹായക ഉല്‍പ്പന്നങ്ങളോ ഒരാളുടെ വീഴ്ച്ച തടയാൻ സഹായിക്കുമോ എന്നറിയാന്‍ അവരുമായി ചർച്ച ചെയ്യുക.

സമ്പൂര്‍ണ്ണ വീഴ്ച്ച സംബന്ധിച്ച വിലയിരുത്തലിന് ഒരു പുനരധിവാസ സേവനത്തിലേയ്ക്ക് റഫര്‍ ചെയ്യുക.

സമ്മർദ്ദ മുറിവുകൾ

മര്‍ദ്ദം മൂലമുണ്ടാകുന്ന മുറിവ് ചര്‍മ്മത്തിന്‍റെ തകര്‍ച്ചയാണ് സൂചിപ്പിക്കുന്നത്. ഇത് സാധാരണയായി പിൻഭാഗം, ഇടുപ്പ് അല്ലെങ്കിൽ ഇടുപ്പെല്ലുകള്‍ പോലുള്ള അസ്ഥി പ്രദേശത്താണ് കാണുക.

സംവേദന ക്ഷമത കുറഞ്ഞ ആളുകളിലോ ചലിക്കുന്നതിനോ തിരിഞ്ഞും മറിഞ്ഞും കിടക്കുന്നതിനോ ബുദ്ധിമുട്ടുള്ള വ്യക്തികള്‍ക്കാണ് സാധാരണയായി മര്‍ദ്ദം മൂലമുള്ള മുറിവ് ഉണ്ടാകുന്നത്.

മുന്‍പ് ഇത്തരത്തില്‍ മുറിവ് ഉണ്ടായിട്ടുള്ള വ്യക്തികള്‍ക്ക് വീണ്ടും ഉണ്ടാകാനുള്ള സാധ്യത കൂടുതലാണ്.

ഇരുണ്ട നിറമുള്ള ചർമ്മത്തിൽ മുറിവിന്‍റെ ആദ്യ ഘട്ടം കാണാൻ പ്രയാസമാണ്. ചുറ്റുമുള്ള പ്രദേശത്തേക്കാൾ ആ ഭാഗത്തെ ചര്‍മ്മത്തിന് ചൂടോ വീക്കമോ ഉണ്ടോയെന്ന് പരിശോധിക്കുക.

ഇളം നിറമുള്ള ചർമ്മത്തിൽ ചുവപ്പ് അടയാളം ദൃശ്യമാകും. ഇരുണ്ട നിറമുള്ള ചർമ്മത്തിലെ അടയാളം നീല അല്ലെങ്കിൽ പർപ്പിൾ നിറത്തിലായിരിക്കും.

മുറിവുകൾ വഷളാകാതിരിക്കാൻ അടിയന്തര നടപടി സ്വീകരിക്കേണ്ടത് അത്യാവശ്യമാണ്.

ഒരു വ്യക്തിക്ക് മര്‍ദ്ദം മൂലമുള്ള മുറിവ് ഉണ്ടെങ്കില്‍ മുറിവിൽ കൂടുതല്‍ മര്‍ദ്ദം ഏല്‍ക്കുന്നത് ഒഴിവാക്കാൻ അവരെ ഉപദേശിക്കുക.

മുറിവ് കൈകാര്യം ചെയ്യുന്നതിന് ഒരു ആരോഗ്യ വിദഗ്ദ്ധന് റഫര്‍ ചെയ്യുക.

കാല്‍പാദത്തിലെ മുറിവുകളുടെ അപകട സാധ്യത

മുന്‍പ് കാലിൽ മുറിവോ അവയവം മുറിച്ചുമാറ്റലോ ഉണ്ടായിട്ടുള്ള ഏതൊരു വ്യക്തിക്കും, പ്രത്യേകിച്ചും ഇത് ഉണങ്ങാൻ വളരെ സമയമെടുത്തെങ്കില്‍, മറ്റൊരു മുറിവ് ഉണ്ടാകാനുള്ള സാധ്യതയുണ്ട്.

മുന്‍പ് കാലില്‍ മുറിവോ അവയവം മുറിച്ചുമാറ്റലോ സംഭവിച്ച ഒരു വ്യക്തിക്കായി എല്ലായ്പ്പോഴും ഒരു പാദ പരിശോധന നടത്തേണ്ടതാണ്.

പ്രമേഹം, കുഷ്ഠം, ഹൃദ്രോഗം, വൃക്കയുമായ്‌ ബന്ധപ്പെട്ട രോഗം എന്നിവയുള്ള ആളുകൾക്ക് കാലിൽ മുറിവ് ഉണ്ടാകാനുള്ള സാധ്യതയുണ്ട്.

ഈ അവസ്ഥകളുള്ള അല്ലെങ്കിൽ കാലിൽ മുറിവ്, പരിക്ക് അല്ലെങ്കിൽ നീർവീക്കം എന്നിവയുള്ള ഏതൊരു വ്യക്തിക്കും എല്ലായ്പ്പോഴും ഒരു പാദ പരിശോധന ആവശ്യമാണ്‌.

പുകവലിയും മദ്യപാനവും ഒരു വ്യക്തിക്ക് കാലിൽ മുറിവുണ്ടാകാനുള്ള സാധ്യതയും കാലിലെ മുറിവ് ഉണങ്ങാൻ എടുക്കുന്ന സമയത്തിന്റെ ദൈർഘ്യവും വർദ്ധിപ്പിക്കും.

നഗ്നപാദരായി നടക്കുമ്പോള്‍ പാദത്തിന് പരിക്കേൽക്കാനുള്ള സാധ്യത കൂടുതലാണ്.

പുകവലിക്കുകയോ, മദ്യപിക്കുകയോ / അല്ലെങ്കിൽ നഗ്നപാദരായി നടക്കുകയോ ചെയ്യുന്ന ഒരു വ്യക്തിക്കായി എല്ലായ്പ്പോഴും ഒരു പാദ പരിശോധന നടത്തുന്നത് ഉചിതമായിരിക്കും.