ခြေဖဝါးတွင်ဖြစ်သောအနာများ

ခြေဖဝါးဒဏ်ရာများဖြစ်ရသည့် အကြောင်းနှင့်ဖြစ်နိုင်ခြေအများဆုံးရှိသူများအကြောင်း ပိုမိုသိရှိရန်ဆက်လက်ဖတ်ကြည့်ပါ။

ရာဗီအကြောင်း

ရာဗီသည် ဆီးချိုရောဂါရှိသော အသက်ကြီးသူတစ်ဦးဖြစ်သည်။ သူ့အိမ်ထဲရှိ ဖန်ကွဲကို တက်နင်းမိသည်။သူ့တွင်အာရုံခံစားမှု လျော့နည်းနေသည့် အတွက်ပြတ်ရှမှုကို ရက်အနည်းငယ်သတိမထားမိခဲ့ပါ။ သတိပြုမိချိန်တွင် ပြတ်ရှမှုကိုကုသရန်ကြိုးစားခဲ့သည်။

ရာဗီသည် ဆီးချိုရောဂါကြောင့် ခြေဖဝါးသို့ သွေးစီးဆင်းမှု လျော့နည်းနေ‌သဖြင့် ဒဏ်ရာမပျောက်ပဲ ရောဂါကူးစက်လာကာအလွန်ဖျားနာလာလေသည်။

ရာဗီကိုမိသားစုက ဆေးရုံခေါ်လာပြီး ရောဂါပိုးမွှားမပျံ့နှံ့စေရန် သူ၏ခြေဖဝါးနှင့်ခြေထောက် အောက်ပိုင်းကို ဖြတ်ပစ်ရန်လိုကြောင်းသိရှိခဲ့သည်။ မဖြတ်ပါက ရာဗီကွယ်လွန်သွားနိုင်သည်။

ရူဘီနှင့်တွေ့ဆုံခြင်း

ရူဘီသည် အသက် ၅၅ နှစ်ရှိပြီး ဆီးချိုရောဂါရှိသည်။ သူမသည်ရောဂါကူးစက်ခံရသောခြေဖဝါးဒဏ်ရာကြောင့် ခြေချောင်းဖြတ်ထားရသည်။

ရူဘီသည်ယခင်က ခြေဖဝါး၂ဖက်လုံးဖြင့် ကိုယ်အလေးချိန်ကိုထိန်းညှိသွားလာနိုင်သော်လည်း ယခုအခါ ကျန်ရှိသည့် ခြေဖဝါးအစိတ်အပိုင်းဖြင့် ထိန်းညှိသွားလာရသည်။

သူမ ၏ ကျန် ရှိ သော ခြေဖဝါး အပေါ် ဖိအား တိုး လာ ခြင်း ကြောင့် နောက်ထပ် ခြေဖဝါး ဒဏ်ရာ ရရှိ ရန် အန္တရာယ် ရှိ နေ သည် ။

ရူဘီသည်ဆီးချိုရောဂါကို ပုံမှန်ကုသနေသည်။ သူမ သည် နောက်ထပ် ခြေဖဝါး ဒဏ်ရာ ရရှိ နိုင် သည့် အန္တရာယ် ရှိ နေ သောကြောင့် ဆီးချိုရောဂါ အထူးကုဆေးခန်း ကို လည်း ပြသ ခဲ့ သည် ။ နောက်ထပ် ခြေဖဝါး ဒဏ်ရာ ကို ကာကွယ် ရန် ၊ ရူဘီ ကို သူမ ၏ ကျန် ရှိ သော ခြေဖဝါး အပေါ် ဖိအား ကို လျှော့ချ ရန် ကူညီ ပေး သော အထူး ဖိနပ် တစ် ရံထောက်ပံ့ ပေး ခဲ့ သည် ။ ၎င်းကို ဝန်လျှော့ဖိနပ်ဟုခေါ်သည်။ ထို့ပြင် သူ၏ခြေဖဝါးဖိအားကို လျော့နည်းစေရန် လက်ထောက်များဖြင့်သွားလာစေသည်။