पैतालाको घाऊ

पैतालामा हुने घाऊको कारण के हो र पैतालामा गम्भीर चोट लाग्ने जोखिम कसलाई बढी हुन्छ भन्ने बारे थप जान्न पढ्नुहोस्।

रवि सँग भेट्नुहोस् ।

रवि मधुमेहबाट पीडित वृद्ध व्यक्ति हुन् । उनले आफ्नो घरमा फुटेका सिसाको सानो टुक्रामा पाइला टेक्न पुगे। उनको पैतालामा छोएको कम महसूस हुने भएकोले उनले केही दिनसम्म पैतालामा काटेको थाहा पाएनन् । जब उनलाई यो कुरा थाहा भयो, उनले आफैंले काटिएको घाऊको व्यवस्थापन गर्ने प्रयास गरे।

मधुमेहका कारण रविको पैतालामा रगतको प्रवाह कम भयो । यसको मतलब घाऊ निको भएन र चाँडै नै संक्रमित भयो। संक्रमण फैलियो र रवि निकै बीरामी भए ।

रविको परिवारले उनलाई अस्पताल पुर्‍याए । त्यहाँ उनले संक्रमणलाई थप फैलन नदिन आफ्नो पैताला र खुट्टाको तल्लो भाग काट्नु आवश्यक भएको थाहा पाए। विच्छेदन (ऐम्प्युटेशन) नगरे रविको मृत्यु पनि हुन सक्थ्यो ।

रूबी सँग भेट्नु होस्

रुबी ५५ वर्षकी हुन् र उनलाई मधुमेह छ । पैतालाको संक्रमित घाऊका कारण उनको पैतालाको औंला काटिएको छ ।

जब रुबी हिँड्छिन् तब उनको पूरा पैतालामा समान रूपमा वितरण भएको वजन अब उनको पैतालाको बाँकी भागमार्फत वितरण भएको छ।

पैतालाको बाँकी भागमा दबाब बढेकाले उनलाई अर्को पैतालामा घाउ हुने खतरा छ ।

रुबी आफ्नो स्वास्थ्य र मधुमेहको व्यवस्थापन भइरहेको छ कि छैन भनेर जाँच्‍न नियमित रूपमा मधुमेह क्लिनिकमा जान्छिन्। पैतालामा अर्को घाऊ हुने जोखिम भएकोले उनी डायबिटिक फुट क्लिनिकमा पनि जान्छिन्। अर्को पैतालाको घाउ बाट बच्‍नकालागि रुबीलाई एउटा विशेष जुत्ता प्रदान गरिएको छ जसले उनको पैतालाको बाँकी भागमा दबाब कम गर्न मद्दत गर्दछ। यसलाई अफ लोडिङ डिभाइस भनिन्छ । उनी आफ्नो पैतालामा दबाब कम गर्न कुहिनो सम्मको बैसाखी लिएर पनि हिँड्छिन्।